وبلىستىق پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى مەن قىزىلوردا وبلىسى بويىنشا قىلمىستىق اتقارۋ جۇيەسى دەپارتامەنتى قىزمەتكەرلەرى بىرلەسىپ جۇرگىزگەن جەدەل شارالار بارىسىندا تۇزەۋ مەكەمەسىندە جازاسىن وتەپ جاتقان 43 جاستاعى تۇركىستان وبلىسى تۇرعىنىنىڭ ءدىني الاۋىزدىقتى قوزدىرۋعا باعىتتالعان ۋاعىز تاراتۋمەن اينالىسقانى انىقتالدى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 174-بابىنىڭ 1-بولىگىمەن تەرگەۋ ءجۇرىپ, سوت-دىنتانۋشىلىق ساراپتاما تاعايىندالدى. ساراپتاما قورىتىندىسىنا سايكەس تەرروريزمدى ناسيحاتتاۋ بەلگىلەرى انىقتالدى.
وسىعان بايلانىستى كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 256-بابىنىڭ 1-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.