بۇگىن قىزىلوردا قالالىق جۇمىسپەن قامتۋ, الەۋمەتتىك باعدارلامالار جانە احات ءبولىمى مەن "باقىتتى وتباسى" ورتالىعى "سىر انالار" اليانسى كەڭەسى بازاسىندا "مەن باقىتتى انامىن" اتتى شارا وتكىزدى.
«باقىتتى وتباسى» وتباسى ينستيتۋتىن قولداۋ ورتالىعىنىڭ جانىنان قۇرىلعان «سىر انالار» اليانسى كەڭەسى 32 ەرىكتى انادان قۇرالعان. ەرىكتى انالار قالا اۋماعىنداعى 18 شاعىن اۋدانعا ءبولىنىپ, ء وز ايماقتارى بويىنشا تۇرمىس جاعدايى تومەن, كوپ بالالى, از قامتىلعان جانە وتباسىندا مۇگەدەكتىگى بار ازاماتتاردى انىقتاپ, ولارعا كومەك قولىن سوزۋمەن اينالىسادى. بەلسەندى انالار قوعامداعى قولداۋدى قاجەت ەتەتىن جانداردىڭ ماسەلەسىنە بەي-جاي قاراماي دەمەۋشىلەر قولداۋىمەن الەۋمەتتىك-گۋمانيتارلىق كومەكتەر ۇسىنىپ, ءبىلىم, مەديتسينا, جانە تۇرمىستىق جاعدايعا بايلانىستى ماسەلەلەرىن شەشۋگە اتسالىسىپ كەلەدى.
بۇگىنگى كەزدەسۋ بارىسىندا بەلسەندى انالار وزدەرىنىڭ جىل كولەمىندە مۇقتاج جاندارعا كورسەتكەن كومەگىن, اتقارعان جۇمىستارىن بايانداپ, الداعى جوسپارلارىمەن ءبولىستى. شارادا جاقسىلىق جاساپ جارىسىپ جۇرگەن كەڭ جۇرەك, اق پەيىل, دارحان كوڭىل جاندارعا قالا اكىمىنىڭ ورىنباسارى ءوز العىسىن جەتىكىزىپ, يگى ىستەرىنە ساتتىلىك تىلەدى.
باسقوسۋعا ارنايى كەلگەن «ماعجان ي ك» جشس ديرەكتورى ماعجان ەراليەۆ, «ەلاراي» قوعامدىق قورىنىڭ باسشىسى اسحات بايداۋلەتوۆ پەن رەسپۋبليكالىق «حارەكەت» قايىرىمدىلىق قورىنىڭ رەسمي وكىلى ازامات كارەنەەۆ تە ەرىكتى انالارعا ءوز ريزاشىلىقتارىن جەتكىزىپ, قام كوڭىل جاندارعا قامقور بولىپ, سۇرىنگەندى سۇيەپ, جىعىلعاندى دەمەپ جۇرگەن بەلسەندى جانداردىڭ قايىرىمدى ىستەرىنە قاشان دا قولداۋ بىلدىرەتىندەرىن جەتكىزدى.
شارا سوڭىندا كەڭەس قۇرامىنداعى انالارعا العىس حاتتار مەن قالاداعى «مۇز ايدىنى», «ەۆرازيا» كەشەندەرىنە ارنايى تاللوندار بەرىلىپ, كاسىپكەرلەردىڭ قولداۋىمەن سىي-قۇرمەت كورسەتىلدى.