اعىمداعى جىلعى 1 قاراشاداعى جاعداي بويىنشا 11,8 مىڭ ادام تاريحي وتانىنا ورالىپ, ورالمان مارتەبەسىن الدى. جالپى 1991 جىلدان بەرى رەسپۋبليكاعا 1 ميلليون 69,1 مىڭ ەتنيكالىق قازاق ورالدى, دەپ حابارلايدى Egemen.kz.
وسى جىلى قازاقستانعا كەلگەن ورالمانداردىڭ جارتىسىنان كوبى (55,5%) قىتايدان, 28,8% – وزبەكستاننان, 9,1% – تۇرىكمەنستاننان, 3,4% – موڭعوليادان جانە 2,9% باسقا ەلدەردەن.
كەلگەن ەتنيكالىق قازاقتار نەگىزىنەن الماتى (52,3%), ماڭعىستاۋ (13,4%) جانە تۇركىستان (5,5%) وبلىستارىنا, سونداي-اق نۇر-سۇلتان (4,1%) جانە الماتى قالالارىنا (5,7%) قونىستاندى.
10 ايدىڭ قورىتىندىسى بويىنشا ەڭبەككە قابىلەتتى جاستاعى قونىس اۋدارۋشىلار سانى 55,9%-دى, ەڭبەككە قابىلەتتى جاستان كىشى 32,6%-دى جانە زەينەتكەرلەر 10,5%-دى قۇرايدى.