گەرمانيانىڭ سوتسيال-دەموكراتيالىق پارتياسى (گسدپ) مەن كانتسلەر انگەلا مەركەلدىڭ حريستيان-دەموكراتيالىق وداعى جانە حريستيان-سوتسياليستىك وداعى (حدو/حسو) «ۇلكەن» ۇكىمەتتىك كواليتسيا دەپ اتالاتىن بىرلەستىك قۇرۋ تۋرالى ۋاعدالاستىققا كەلدى.
«ۇلكەن» كواليتسيا مۇشەلەرى اراسىندا مينيسترلىك لاۋازىمدارىن ءبولۋ تۋرالى ءسال كەيىنىرەك حابارلانادى. بۇل تۋرالى كەشە وتكەن بىرلەسكەن ءباسپاسوز ءماسليحاتىندا انگەلا مەركەل مەن گسدپ سەركەسى زيگمار گابريەل مالىمدەدى. حدو/حسو بلوگى 22 قىركۇيەكتە وتكەن بۋندەستاگ سايلاۋىندا 41,5 پايىز داۋىس العان بولاتىن. مەركەل بلوگىنا داۋىستاردىڭ باسىم بولىگىن الۋ مۇمكىن بولماعاندىقتان, گەرمانيا زاڭناماسى بويىنشا ۇكىمەت قۇرۋ ءۇشىن باسقا ساياسي قوزعالىستارمەن كواليتسيا جاساقتاۋ قاجەت بولعان ەدى.
شاراينا
گەرمانيانىڭ سوتسيال-دەموكراتيالىق پارتياسى (گسدپ) مەن كانتسلەر انگەلا مەركەلدىڭ حريستيان-دەموكراتيالىق وداعى جانە حريستيان-سوتسياليستىك وداعى (حدو/حسو) «ۇلكەن» ۇكىمەتتىك كواليتسيا دەپ اتالاتىن بىرلەستىك قۇرۋ تۋرالى ۋاعدالاستىققا كەلدى.
«ۇلكەن» كواليتسيا مۇشەلەرى اراسىندا مينيسترلىك لاۋازىمدارىن ءبولۋ تۋرالى ءسال كەيىنىرەك حابارلانادى. بۇل تۋرالى كەشە وتكەن بىرلەسكەن ءباسپاسوز ءماسليحاتىندا انگەلا مەركەل مەن گسدپ سەركەسى زيگمار گابريەل مالىمدەدى. حدو/حسو بلوگى 22 قىركۇيەكتە وتكەن بۋندەستاگ سايلاۋىندا 41,5 پايىز داۋىس العان بولاتىن. مەركەل بلوگىنا داۋىستاردىڭ باسىم بولىگىن الۋ مۇمكىن بولماعاندىقتان, گەرمانيا زاڭناماسى بويىنشا ۇكىمەت قۇرۋ ءۇشىن باسقا ساياسي قوزعالىستارمەن كواليتسيا جاساقتاۋ قاجەت بولعان ەدى.
ەۋروينتەگراتسيانى جاقتاۋشىلار بىرىكتى
كيەۆتە ۋكراينا بيلىگىنىڭ ەۋرووداقپەن اسسوتسياتسيا قۇرۋ تۋرالى كەلىسىم جاساسۋىن دوعارىپ قويعانىنا نارازىلىق تانىتۋشىلار بىرىكتى. مۇنى پارلامەنتتەگى «باتكيۆششينا» وپپوزيتسيالىق فراكتسياسىنىڭ جەتەكشىسى ارسەني ياتسەنيۋك مالىمدەدى.
بىرىگۋ ۇدەرىسىنەن كەيىن ا.ياتسەنيۋك, و.تياگنيبوكوۆ جانە ۆ.كليچكو قىسقاشا ءسوز سويلەگەن. ەكى لاگەردى بىرىگۋگە شاقىرعان لەپەستە ۋكراينانىڭ بۇرىنعى پرەمەر-ءمينيسترى يۋليا تيموششەنكو دا ۇران تاستاعان بولاتىن. ەۋروينتەگراتسياعا باعىتتى جالعاستىرۋدى تالاپ ەتكەندەر اكتسياسى ۋكراينانىڭ ءتۇرلى قالالارىندا 21 قاراشادا باستالعانى بەلگىلى. ال رەسەيدىڭ ەكونوميكالىق قىسىمىنا شىداماعان ۆ.يانۋكوۆيچ باستاعان ۋكراينا باسشىلىعى ەۋروپاعا باعىتىن كىلت وزگەرتىپ, رەسەيگە بەت بۇرۋعا ىقىلاس تانىتقان ەدى.
ۇلتتىق قاۋىپسىزدىك كەڭەسىن قۇردى
جاپونيا پارلامەنتى كەشە ەلدە ۇلتتىق قاۋىپسىزدىك كەڭەسىن قۇرۋدى قاراستىراتىن زاڭ جوباسىن ماقۇلدادى. وسىمەن ءبىر مەزگىلدە, جاپونيا پرەمەر-ءمينيسترى قورعانىس ساياساتىندا بۇرىنعىعا قاراعاندا, كەڭ وكىلەتتىككە يە بولدى.
كەڭەس پرەمەر-مينيستردەن, ۇكىمەت اپپاراتىنىڭ جەتەكشىسىنەن, سونداي-اق, قورعانىس جانە سىرتقى ىستەر مينيسترلەرىنەن تۇراتىن بولادى. ولار ورتا مەرزىمدى جانە ۇزاق مەرزىمدىك پەرسپەكتيۆاداعى سىرتقى جانە قورعانىس ساياساتىن قالىپتاستىرادى. جاپونيا باسشىلىعىنىڭ وسى باستاماسىن پارلامەنت قيىر شىعىستاعى قازىرگى كۇردەلى جاعدايعا وراي قولداعان سىڭايلى. سوڭعى احۋال قىتاي بيلىگىنىڭ اۋماقتىق تالاسقا سەبەپ شىعىس-قىتاي تەڭىزىن اۋە شابۋىلىنان قورعانىس الاڭى دەپ جاريالاۋىنا بايلانىستى قالىپتاسقانى بەلگىلى.
قىسقا قايىرىپ ايتقاندا:
* قىتاي كامبودجا اسكەري-اۋە كۇشتەرىنە 12 كوپماقساتتى Z-9 تىكۇشاقتارىن ساتتى. بۇل تىكۇشاقتار ەۋروپاداعى «ەۋروكوپتەر» اۋە كەمەلەرىنىڭ ليتسەنزيالىق كوشىرمەسى بولىپ تابىلادى.
ء*ۇندىستاندا اتوم-ەلەكتر ستانساسىن سالۋعا قارسىلار وزدەرى جاساعان بومباعا جارىلىپ ءولدى. وقيعا تاميلناد شتاتىندا ورىن الدى. جارىلىستان 6 ادام قازا تاپسا, 3-ءۋى – بالالار. تاعى 2 ادام جاراقات العان. جارىلىستان بىرنەشە ءۇي قيراعان.
*قىرعىزستاننىڭ جالالاباد قالاسىندا ميليتسيا ءبولىمىنىڭ باستىعى قارجاادى جۇماباەۆ زايىبىمەن جانجال كەزىندە وعان قارۋ جۇمساپ, كەيىن ءوزى اتىلىپ ولگەن. موينىنان جارالانعان زايىبى اۋرۋحاناعا تۇسكەن.
* رەسەيدىڭ كالينينگراد جانە ياكۋتيا سوتتارىندا ەسىرتكى ساتۋمەن اينالىسقانى ءۇشىن ءىستى بولعان ەكى كۇدىكتى ءبىر مەزگىلدە ءوز-وزدەرىنە پىشاق جۇمساپ, جاراقات الدى. ەكەۋى دە اۋىر حالدە اۋرۋحاناعا جەتكىزىلگەن. ولار 2,5 جىلعا باس بوستاندىقتارىنان ايىرىلۋلارى مۇمكىن ەكەن.
قوزعالىسقا شەكتەۋدى قولدايدى
ۇلىبريتانيا پرەمەر-ءمينيسترى دەۆيد كەمەرون ەۋروپا وداعى ىشىندە قوزعالىس ەركىندىگى قاعيداتىن قايتا قاراۋدى ۇسىندى. ءسويتىپ, ول ميگراتسياعا شەكتەۋ ەنگىزبەك. كەمەروننىڭ سوزىنە قاراعاندا, ەو-داعى ەركىن قوزعالىس اۋقىمدى كوشى-قونعا الىپ كەلگەن.
كەمەروننىڭ مالىمدەمەسىنە سايكەس, ەۋروپا ىشىندەگى ميگراتسياعا شەكتەۋدى تەك ۇلىبريتانياداعىلار عانا ەمەس, سونداي-اق, اۆستريا, گەرمانيا جانە نيدەرلاندى ازاماتتارى قوس قولداپ قولدايدى. ءسويتىپ, لوندون اتالعان ەلدەرمەن بىرلەسىپ, كوشى-قون ساياساتىنىڭ جاڭا قاعيداتىن جاساماق. پرەمەر-مينيستر, سونىمەن قاتار, 2015 جىلعى سايلاۋدا جەڭىسكە جەتەر بولسا, ونىڭ ۇكىمەتى مەن كونسەرۆاتيۆتىك پارتيا ەو-دان كەلەتىن ميگرانتتارمەن ەل اۋماعى ىشىندە بىتىسپەس كۇرەسكە تۇسپەك. اتاپ ايتقاندا, ول جۇمىسسىز ميگرانتتارعا وتەماقىنى قىسقارتۋدى ۇسىنىپ وتىر.
سىرتتاي كەسىلگەن اۋىر جازا
قىرعىزستاننىڭ بۇرىنعى پرەزيدەنتى قۇرمانبەك باكيەۆتىڭ باۋىرى – جانىبەك (جانىش) سىرتتاي ءومىر باقي باس بوستاندىعىنان ايىرۋ جازاسىنا كەسىلدى. مۇنى قىرعىزستان باس پروكۋراتۋراسىنىڭ مالىمدەمەسىنە سىلتەمە جاساي وتىرىپ, يتار-تاسس حابارلادى.
ج.باكيەۆكە 2005 جىلدىڭ ناۋرىزىندا ۇلتتىق بانكتىڭ جالالاباد وبلىستىق بولىمشەسىنەن 22 ميلليون سوم (شامامەن جارتى ميلليون دوللار) قاراجاتتى ۇرلادى دەگەن ايىپ تاعىلعان بولاتىن. سونداي-اق, ول 2010 جىلعى ساۋىردە زاڭسىز قارۋلى جاساق ۇيىمداستىردى دەپ تە ايىپتالعان ەدى. جالالاباد وبلىسىنداعى سۋزاك اۋداندىق سوتىنىڭ شەشىمى بويىنشا, ج.باكيەۆ ايىپتاۋدىڭ بارلىق بولىكتەرى بويىنشا كىنالى دەپ تانىلىپ, 18 جىلعا باس بوستاندىعىنان ايىرىلعان-تىن. ەندى ول ءومىر باقي تۇرمەدە وتىرۋعا اۋىستىرىلدى.
ەكسترەميستەر تورعا ءتۇستى
27 قاراشاعا قاراعان ءتۇنى ماسكەۋدە قۇقىق قورعاۋ ورگاندارىنىڭ قىزمەتكەرلەرى «ات تاكفير ءال-حيدجرا» ەكسترەميستىك ۇيىمىنىڭ 14 مۇشەسىن قاماۋعا الدى. مۇنى رەسەي ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ, «ينتەرفاكس» اگەنتتىگى حابارلادى.
ۇستالعاندارعا قاتىستى قىلمىستىق ءىس ازىرشە قوزعالماعان. پوليتسياداعىلار قازىردە بۇل ماسەلە شەشىلۋ ۇستىندە ەكەنىن ايتىپ وتىر. ال ولارعا قارۋ-جاراق پەن جارىلعىشتاردى زاڭسىز ساقتادى دەگەن ايىپ تاعىلۋى مۇمكىن ەكەن. قاماۋعا الۋ وپەراتسياسىن پوليتسيا فەدەرالدى قاۋىپسىزدىك قىزمەتىمەن بىرلەسىپ, ماسكەۋدىڭ شىعىس وكرۋگىندە جۇزەگە اسىرعان. ۇستالعانداردان تاپانشالار, گراناتالار, پاتروندار, سونداي-اق, ءۇش قولدان جاسالعان جارىلعىشتار تاركىلەنىپتى. اتالعان حالىقارالىق لاڭكەستىك ۇيىم 70-ءشى جىلداردىڭ باسىندا مىسىردا قۇرىلعان.
ينتەرنەت ماتەريالدارى نەگىزىندە ازىرلەندى.