تۇركيادا كومەندانتتىق ساعات جاريالاندى

ەرەجەگە سايكەس, ەلدە  تاڭعى وننان كەشكى ساعات سەگىزگە دەيىن ۇيدەن شىعۋعا رۇقسات. 65 جاستان ۇلكەن جانە 20 جاستان كىشىلەرگە تىسقا شىعۋىنا شەكتەۋ قويىلدى.

قوعامدىق ورىندار, ساۋدا ورتالىقتارى, دۇكەندەر, شاشتاراز بەن سۇلۋلىق مەكەندەرى تەك تاڭعى 10-نان كەشكى 20:00-گە دەيىن جۇمىس ىستەۋى ءتيىس. مەيرامحانا مەن ءدامحانالار تەك تاماقتى وزىمەن الىپ كەتۋ قىزمەتى بويىنشا عانا جۇمىس ىستەيدى.

سونداي-اق وقۋشىلار مەن ستۋدەنتتەر جىل سوڭىنا دەيىن قاشىقتان وقىتۋعا قايتا كوشتى. سپورتتىق جارىستار جانكۇيەرسىز ءوتىپ, سپورتتىق كەشەندەردىڭ جۇمىسى ۋاقىتشا توقتاتىلدى. كينوتەاترلار دا جاڭا جىلعا دەيىن اشىلمايتىن بولدى.

ال قاۋىپتى ىندەتتىڭ ەڭ كوپ تاراعان جەرى ىستامبۇلدا مۇراجايلار مەن ونەر ورتالىقتارى بەلگىسىز مەرزىمگە دەيىن جۇمىسىن توقتاتتى. رەسمي دەرەكتەرگە سايكەس, سوڭعى تاۋلىكتە تۇركيادا 3316 كوروناۆيرۋس دەرەگى تىركەلگەن.