اتىراۋدا Nur Otan پارتياسى وبلىستىق فيليالىنىڭ كەزەكتەن تىس ءحححىى كونفەرەنتسياسى ءوتىپ, قر پارلامەنتى ماجىلىسىنىڭ دەپۋتاتتىعىنا وڭىرلىك كۆوتامەن ۇمىتكەرلەر ىرىكتەلدى, دەپ حابارلايدى Egemen.kz.
وڭىرلىك فيليال توراعاسى, وبلىس اكىمى ماحامبەت دوسمۇحامبەتوۆتىڭ ايتۋىنشا, پرايمەريز كەزەڭىندە پارتيا مۇشەلەرىنەن 1061 ۇسىنىس ءتۇسىپتى. ونىڭ 448-ءى سايلاۋالدى باعدارلاما جوباسىندا كورىنىس تاپتى. ال سايلاۋالدى باعدارلامالاردىڭ جوباسىنا 12 تولىقتىرۋ مەن وزگەرىس ەنگىزىلدى.
كونفەرەنتسيادا 10 ۇمىتكەر دەباتقا قاتىسىپ, سايلاۋالدى باعدارلامالارىن تانىستىردى. دەلەگاتتاردىڭ داۋىس بەرۋىمەن ماجىلىسكە سايلاناتىن دەپۋتاتتاردىڭ پارتيالىق تىزىمىنە ءۇش ۇمىتكەر ىرىكتەلدى. ەڭ كوپ داۋىس دۇيسەنباي تۇرعانوۆقا بەرىلدى. ونىڭ ۇلەسىندە 107 داۋىس بار. ال, ءسالىمجان ناقپاەۆ 98 داۋىسقا يە بولدى. كوپ داۋىس العان بۇل ۇمىتكەردىڭ ەكەۋى دە – جەكە سەكتور وكىلى. ءۇشىنشى ۇمىتكەر قىزىلقوعا اۋداندىق ءماسليحاتىنىڭ حاتشىسى تولقىن بەيىسقالي 74 داۋىس جينادى.
سونداي-اق, كونفەرەنتسيادا وبلىستىق ءماسليحاتتىڭ پارتيالىق تىزىمىنە 47 ۇمىتكەر ەندى. ولاردىڭ 25 پايىزىن جاستار, ال, 30 پايىزىن ايەلدەر قۇرادى.
اتىراۋ