قازاقستاندا, ونىڭ ىشىندە ەلوردا دا, سوڭعى ەكى اي ىشىندە – 15 قىركۇيەك پەن 15 قاراشا ارالىعىندا ەمحانانى ەركىن تاڭداۋ ناۋقانى جۇرگىزىلدى. نۇر-سۇلتان قالاسى بويىنشا قازىرگى تاڭدا 1 160 000 استام ادام قالا ەمحانالارىنا تىركەلگەن, دەپ حابارلايدى Egemen.kz
ال 11 مىڭنان استام ەلوردا تۇرعىنى ەشقايدا تىركەلمەگەن, ياعني دەنساۋلىق ساقتاۋ جۇيەسىنەن تىس قالىپ وتىر. سونداي-اق, ەلوردا تۇرعىندارى اراسىندا مەديتسينالىق ساقتاندىرىلماعاندار دا بار.
"سوندىقتان بۇل ازاماتتاردى مەديتسينالىق ساقتاندىرۋ جۇيەسىندەگى ءوز مارتەبەلەرىن انىقتاۋعا شاقىرامىز. تۇرعىندار ءوز مارتەبەلەرىن ناقتىلاپ, ەمحاناعا تىركەلۋلەرى ءتيىس.
مەديتسينالىق-سانيتاريالىق كومەك ۇيىمدارىنا تىركەلۋ – بۇل تمككك جانە ءمامس جۇيەسى شەڭبەرىندە مەديتسينالىق قىزمەتتەردىڭ بارلىق ءتۇرىن الۋ ءۇشىن قاجەتتى شارت. ۇيگە بارىپ مەديتسينالىق كومەك كورسەتۋ كەرەك بولعان جاعدايدا قولجەتىمدى بولۋ ءۇشىن تۇرعىلىقتى جەرىڭىزگە جاقىن ەمحاناعا تىركەلگەنىڭىز ءجون", دەيدى الەۋمەتتىك مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ ءباسپاسوز قىزمەتى.
ەستەرىڭىزگە سالامىز, تىركەلۋ ناۋقانىنان تىس كەز كەلگەن ۋاقىتتا مساك ۇيىمىن بىرنەشە جاعدايدا اۋىستىرۋعا بولادى: ەگەر ءسىز تۇرعىلىقتى جەرىڭىزدى اۋىستىرعان بولساڭىز; قالادان تىس جەرگە ءبىر ايدان استام مەرزىمگە كەتسەڭىز; نەمەسە العاش رەت ەركىن تاڭداۋ نەمەسە تىركەلۋ قۇقىعىن پايدالانام دەپ شەشسەڭىز; سونداي-اق ەمحاناعا ءسىزدىڭ قاتىسۋىڭىزسىز تىركەگەن بولسا, ەمحاناڭىزدى اۋىستىرۋىڭىزعا بولادى. سونداي-اق مەديتسينالىق ۇيىم قايتا ۇيىمداستىرىلعان نەمەسە تاراتىلعان, الەۋمەتتىك مەديتسينالىق ساقتاندىرۋ قورىمەن شارت بۇزىلعان جاعدايدا, نەمەسە ءسىزدىڭ ۇيىڭىزگە جاقىن جەردە جاڭا ەمحانا اشىلسا, تىركەلۋگە بولادى.
ەتسق بولعان جاعدايدا ەمحاناعا www.egov.kz ەلەكتروندىق ۇكىمەت پورتالىندا تىركەلۋگە بولادى, ول ءۇشىن "دەنساۋلىق ساقتاۋ" بولىمىندە "مەديتسينالىق-سانيتاريالىق العاشقى كومەك كورسەتەتىن مەديتسينالىق ۇيىمعا تىركەلۋ" قىزمەتىن تاڭداۋ قاجەت. بارلىق جولدار تولتىرىلعاننان كەيىن پاتسيەنت تۋرالى اقپارات اۆتوماتتى تۇردە ەمحاناعا تۇسەدى. ەگەر بارلىعى دۇرىس تولتىرىلىپ, ورىندالسا, ءوتىنىش بەرۋشىگە مەديتسينالىق مەكەمەنىڭ ەلەكتروندىق تسيفرلىق قولتاڭباسىمەن راستالعان تىركەۋ تۋرالى حابارلاما كەلەدى.
سونىمەن قاتار, مساك ۇيىمىندا بۇل قىزمەت زەينەتكەرلەرگە, مۇگەدەكتەرگە, بالا كەزىنەن مۇگەدەككە زاڭ بويىنشا تاعايىندالعان قامقورشىلارعا, قورعانشىلارعا نەمەسە قامقورشىلارعا, پاترونات تاربيەشىلەرگە, كولونيالاردا جازاسىن وتەپ جاتقان سوتتالعاندارعا, ستۋدەنتتەرگە, سونداي-اق مەدرەسەدە وقيتىندارعا, مەرزىمدى قىزمەتتەگى اسكەري قىزمەتشىلەرگە, شەت مەملەكەتتەردە تۋعان بالالارعا, سونداي-اق سەنىمحات بويىنشا تىركەلۋدى رەسىمدەيتىن ادامدارعا كورسەتىلەدى. ول ءۇشىن ەركىن نىساندا ءوتىنىش جازىپ, جەكە باسىن كۋالاندىراتىن قۇجاتتى كورسەتۋ جەتكىلىكتى.
دەنساۋلىق ساقتاۋ سۋبەكتىلەرىنىڭ دەرەكقورىندا تىركەلگەن مەديتسينا ۇيىمدارى تمككك جانە ءمامس بويىنشا مەديتسينالىق قىزمەتتەر كورسەتە الادى. تولىق اقپاراتتى قوردىڭ fms.kz سايتىنىڭ «ەمحانانى تاڭداۋ» بولىمىنەن بىلە الاسىز.
ايتا كەتۋ كەرەك, مساك ۇيىمىنا وسى جىلى تىركەۋ ناۋقانى كەزىندە تىركەلگەن ازاماتتار 2021 جىلدىڭ 1 قاڭتارىنان باستاپ تمككك شەڭبەرىندە جانە ءمامس جۇيەسىندە وسى ۇيىمدا مەديتسينالىق كومەكتى الا باستايدى.