ۇكىمەتتە پرەمەر-مينيستر سەرىك احمەتوۆتىڭ توراعالىعىمەن «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ كەزەكتى ءۇشىنشى وتىرىسى ءوتتى, دەپ حابارلادى «بايتەرەك» ۇحب» اق ءباسپاسوز قىزمەتى.
ۇكىمەتتە پرەمەر-مينيستر سەرىك احمەتوۆتىڭ توراعالىعىمەن «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ كەزەكتى ءۇشىنشى وتىرىسى ءوتتى, دەپ حابارلادى «بايتەرەك» ۇحب» اق ءباسپاسوز قىزمەتى.
ديرەكتورلار كەڭەسى حولدينگتىڭ 2014 جىلعى بيۋدجەتىن جانە حولدينگتىڭ باسقارما ءمۇشەلەرىنىڭ نەگىزگى قىزمەت كورسەتكىشتەرىن باعالاۋ ولشەمدەرىن بەكىتتى. «بايتەرەك» حولدينگى باسقارما مۇشەلەرىنىڭ جۇمىسى تابىستى ارتتىرۋ, ەنشىلەس ۇيىمدار كاپيتالىنىڭ تارتىمدىلىعى مەن تيىمدىلىگىن كوتەرۋ, ينۆەستيتسيالاردىڭ قايتارىمى, تۇتىنۋشىلار مەن ارىپتەستەردىڭ حولدينگ پەن ونىڭ ەنشىلەس ۇيىمدارىنىڭ جۇمىسىنا قاناعاتتانۋى سىندى كورسەتكىشتەر بويىنشا باعالانادى. ال بەكىتىلگەن جۇمىس تيىمدىلىگىنىڭ ولشەمدەرى حولدينگ باسقارۋشىلارىنىڭ بۇل قۇرىلىمعا ۇكىمەت تاراپىنان جۇكتەلگەن مىندەتتەردى ورىنداۋعا قانشالىقتى ۇلەس قوسىپ جاتقانىن وبەكتيۆتى باعالاۋعا مۇمكىندىك بەرەدى.
وتىرىس بارىسىندا «ءبايتەرەك» حولدينگىنىڭ باسقارما توراعاسى قۋاندىق بيشىمباەۆ پرەمەر-مينيسترگە مەملەكەت باسشىسىنىڭ «تۇرعىن ءۇي قۇرىلىس جيناق بانكى» اق باسشىلارىنىڭ «قولجەتىمدى باسپانا-2020» باعدارلاماسى اياسىندا العان پاتەرلەردى قايتارىپ, ونى باسپانا كەزەگىندە تۇرعاندارعا ءبولۋ تۋرالى تاپسىرماسىنىڭ ورىندالۋ بارىسى تۋرالى ەسەپ بەردى. «قايتارىلۋى ءتيىس پاتەرلەردىڭ سانى – 9. جەتى ادام پاتەرلەردى ءوز ىقتيارىمەن قايتارۋعا كەلىسىم بەردى. قالعان ەكى پاتەردىڭ ماسەلەسى سوت ارقىلى شەشىلەدى. جەتى ادامنىڭ التاۋى قايتارۋ تۋرالى كەلىسىمشارتقا قول قويدى», – دەپ مالىمدەدى حولدينگ باسشىسى.