بۇگىن وبلىس اكىمى گۇلشارا ابدىقالىقوۆا مەن قالا اكىمى نۇرلىبەك نالىباەۆتىڭ قاتىسۋىمەن "قىزىلوردا اۆتوبۋس پاركى" مەكەمەسىنە جاڭادان كەلگەن 13 اۆتوبۋستى تابىستاۋ ءراسىمى ءوتتى, دەپ حابارلايدى Egemen.kz.
شارادا وبلىس اكىمى گ.ابدىقالىقوۆا قىزىلوردا اۆتوبۋس پاركى قۇرىلعان ساناۋلى جىلدا اۆتوپاركتىڭ تەحنيكالىق بازاسىن قالىپتاستىرۋ ماقساتىندا 122 اۆتوبۋس الىنعانىن ايتىپ ءوتتى.
سەمەي قالاسىنداعى "سەماز" جاۋاپكەرشىلىگى شەكتەۋلى سەرىكتەستىگىندە قۇراستىرىلعان كولىكتەردى الۋعا وبلىستىق بيۋدجەتتەن 209, ال اۆتوبۋس پاركىنەن 242 ملن تەڭگە جۇمسالىپ وتىر.
سوڭعى ۇلگىدەگى ءىشى كەڭ ءارى جايلى زاماناۋي اۆتوبۋستار مارشرۋت جىلدامدىعىن شەكتەۋ, قوزعالىس ينتەرۆالىن باقىلاۋعا ارنالعان GPS جۇيەسىمەن جابدىقتالعان, جەرگىلىكتى جەردىڭ كليماتتىق جاعدايىنا بەيىمدەلگەن. ەكولوگيالىق تازا مەتان گازىمەن جۇرەدى. قاۋىپسىزدىك ءۇشىن جولاۋشىلاردىڭ ءمىنىپ, ءتۇسۋى تولىعىمەن بەينەباقىلاۋ كامەراسىنا تۇسىرىلەدى. ەڭ باستىسى مۇمكىندىگى شەكتەۋلى ازاماتتارعا قولجەتىمدى ەتىپ ىڭعايلاستىرىلعان.
جاڭادان كەلگەن اۆتوبۋستار بۇگىننەن باستاپ جولاۋشىلار تاسىمالى باسىم №1 باعىتقا جىبەرىلىپ, جولاۋشىلارعا قىزمەت كورسەتەتىن بولادى.