"ساحنادا نەمىس ءتىلى" اتتى VI جاستار تەاترى فەستيۆالىندە قىزىلوردا قالاسى نازارباەۆ زياتكەرلىك مەكتەبىنىڭ ونەرلى توبى "ەڭ ۇزدىك بەينەكونتسەپتسيا" نوميناتسياسىندا ەرەكشەلەندى, دەپ حابارلايدى Egemen.kz.
فەستيۆالگە جاس ارتىستەر نەمىس كلاسسيگى گەتەنىڭ "ەرلكەنيگ" باللاداسىنىڭ جەلىسىمەن بەينەفيلم ۇسىندى.
ء"بىز مازمۇنىن ءسال وزگەرتىپ, بۇگىنگى قوعامعا ساي بەيىمدەدىك. تۇپنۇسقادا باستى كەيىپكەر ز ۇلىم رۋحتىڭ اسەرىنەن قايتىس بولسا, ءبىزدىڭ ۇسىنعان ستسەناريدە الەۋمەتتىك جەلىلەر مەن جالقاۋلىقتىڭ جاس ۇرپاققا اسەرى جانە ونى پايدالانۋشىلاردىڭ قوعامنان الشاق كەتۋ سەبەپتەرىن كورسەتتىك", – دەيدى انانىڭ ءرولىن سومداعان 12-سىنىپ وقۋشىسى كسەنيا تەرزاپۋلو.
اۆتورلاردىڭ ايتۋىنشا, فيلم زاماناۋي جاستاردىڭ پروبلەمالارىن باياندايدى. سونىمەن قاتار وقۋشىلار كورەرمەندەرگە پاندەميا كەزىندە اۋرۋدان قالاي قورعانۋ كەرەكتىگى تۋرالى بىرنەشە كەڭەستەر بەرەدى.
"فەستيۆالدىڭ تالاپتارىنا سايكەس فيلم قاشىقتان ازىرلەندى. ءتۇسىرۋ بارىسىندا ارتىستەر جەكە ونلاين جۇمىس جاسادى. ارقايسىسى ءوز ءرولىن ويداعىداي ويناپ قانا قويماي, كادردى ءتۇسىرۋ مەن ورنىن ويلاستىرۋدا كرەاتيۆتىلىگىن بايقاتتى. مازمۇنى تولىققاندى فيلم بولۋ ءۇشىن كەيىپكەرلەر اراسىنداعى بايلانىستى شەبەر كورسەتە ءبىلۋ قاجەت بولدى", – دەيدى توپ جەتەكشىسى, نەمىس ءتىلى مەن ادەبيەتى مۇعالىمى انار ءپىرماحانوۆا.
ۇيىمداستىرۋشىلار اتاپ وتكەندەي, قىزىلوردالىق زياتكەرلەر ۇسىنعان فيلم وتە اسەرلى بولدى. بالالار ءوز رولدەرىن سەنىمدى جانە كاسىبي دەڭگەيدە ويناپ شىقتى. كەيىپكەرلەر كوستيۋمدەرى, تاقىرىپتىق دەكوراتسيا جانە ورمانداعى ميستيكالىق كورىنىستەر ءبىر-بىرىمەن ۇيلەسىمدى بولدى. داۋىس بەرۋ ناتيجەسىندە وقۋشىلار جۇمىسى "ەڭ ۇزدىك بەينەكونتسەپتسيا" اتالىمىندا جەڭىمپاز اتاندى.
قىزىلورداداعى NIS ءبىلىم الۋشىلارى – گەتە ينستيتۋتى وتكىزەتىن "ساحناداعى نەمىس ءتىلى" جوباسىنىڭ جىل سايىن قاتىسىپ كەلەدى. مەكتەپ قابىرعاسىندا نەمىس تىلىنەن العان بىلىمدەرىن وقۋشىلار وسىنداي فەستاۆال اياسىندا وتكىزىلەتىن ۆوركشوپتار, شەبەرلىك سىنىپتارمەن ساباقتاستىرىپ جەتىلدىرۋدە.