ءتارتىپ ساقشىلارى ۇزىنكول اۋدانىندا ءسىبىر ەلىگىن اتىپ العانداردى قولعا ءتۇسىردى, دەپ حابارلايدى Egemen.kz. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتىنە مالىمدەگەن.
ۇزىنكول اۋداندىق پوليتسيا ءبولىمىنىڭ ۋچاسكەلىك ينسپەكتورى دەنيس نەسين مەن پرەسنوگوركوۆ اۋىلدىق وكرۋگىنىڭ قورىقشىسى ۆلاديمير ياشين كونياەۆو كولىنىڭ ماڭىندا Toyota Hilux اۆتوكولىگىن تەكسەردى.
"كولىكتە قوستاناي قالاسى مەن بەلوگلينكا اۋىلىنىڭ 3 تۇرعىنى بولعان. جول تالعامايتىن كولىكتىڭ جانىندا زاڭسىز اتىلعان ەلىكتىڭ تەرىسى جاتتى. تەكسەرۋ بارىسىندا پوليتسەيلەر 16 كاليبرلى ەكى ۇڭعىلى مىلتىقتى تاركىلەدى. اتالعان دەرەك قر قك 337-بابى 3-بولىگى بويىنشا تىركەلدى, قازىر تەرگەۋ شارالارى جۇرگىزىلۋدە", دەلىنگەن پوليتسيا دەپارتامەنتى تاراتقان اقپاراتتا. جىل باسىنان بەرى پوليتسەيلەر زاڭسىز اڭ اۋلاۋدىڭ 12 فاكتىسىن تىركەدى.