قىزىلوردادا "STOP ترافيك" جەدەل-پروفيلاكتيكالىق ءىس-شارالارىن جۇرگىزۋ بارىسىندا پايداكۇنەمدىك ماقساتتا جەڭگەتايلىقپەن اينالىسىپ جۇرگەن ازاماتشا انىقتالدى, دەپ حابارلايدى Egemen.kz.
11 قاراشا كۇنگى رەيد بارىسىندا پوليتسەيلەر وبلىس ورتالىعىنىڭ ساۋنالاردىڭ بىرىنەن تۇتىنۋشىلارعا جەڭىل ءجۇرىستى قىزداردى ۇسىنىپ, جەڭگەتايلىقپەن اينالىسقان قالا تۇرعىنىن ۇستادى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 309-بابىنىڭ 1-بولىگىمەن سوتقا دەيىنگى تەرگەپ-تەكسەرۋ باستالدى.
وسى شارا اياسىندا قوعامدىق ورىنداردا ءتيىسۋ دەرەگى بويىنشا 18 ازاماتقا اكىمشىلىك شارا كورىلدى. جەڭگەتايلىق ءۇشىن ءۇي-جايلار ۇسىنۋدىڭ 2 دەرەگى انىقتالدى. ولارعا قاتىستى قازاقستان رەسپۋبليكاسى اكىمشىلىك قۇقىق بۇزۋشىلىقتار تۋرالى كودەكسىنىڭ 449 جانە 450 باپتارى بويىنشا اكىمشىلىك حاتتامالار تولتىرىلدى.