قىزىلوردادا "Nur Otan" قالالىق فيليالىنىڭ كەزەكتەن تىس ححVI كونفەرەنتسياسى ءوتتى. وعان باستاۋىش ۇيىمدارىنان ۇسىنىلعان 90 دەلەگات قاتىستى, دەپ حابارلايدى Egemen.kz.
جيىندا قالالىق ماسليحاتقا ۇسىنىلاتىن پارتيالىق ءتىزىم بەكىتىلىپ, وبلىستىق ءماسليحات پەن پارلامەنت ماجىلىسىنە پارتيالىق تىزىمگە پىكىرسايىسقا قاتىسۋشى كانديداتتار انىقتالدى. سونداي-اق وبلىستىق پارتيا فيليالىنىڭ كەزەكتەن تىس وتەتىن ءححVIى كونفەرەنتسياسىنا قاتىساتىن دەلەگاتتار سايلاندى.
سونىمەن, ەڭ جوعارى رەيتينگىسى بار پرايمەريزگە قاتىسۋشىلار قاتارىنان قىزىلوردا قالالىق ءماسليحاتىنا 34 كانديداتتان تۇراتىن پارتيالىق ءتىزىم ءتۇزىلدى. ونىڭ قۇرامىنا قوعام قايراتكەرلەرى, ازاماتتىق سەكتور, باق وكىلدەرى كىردى.
تىزىمدەگى ايەلدەردىڭ ۇلەسى 2,5 ەسەگە ارتىپ, 15,7 پايىزدان 38,2%-عا دەيىن, ال 35 جاسقا دەيىنگى جاستار 10,5 تەن 20,5%-عا دەيىن ءوستى.
كونفەرەنتسيا بارىسىندا وبلىستىق ءماسليحات پەن ماجىلىسكە پارتيالىق تىزىمگە ۇمىتكەرلەر اراسىندا پىكىرسايىس ءوتتى. ءبىرىنشى راۋندتا قاتىسۋشىلار وزدەرىنىڭ سايلاۋالدى باعدارلامالارىنىڭ نەگىزگى تەزيستەرىن تانىستىردى, ەكىنشى راۋندتا "سۇراق-جاۋاپ" تۇرىندە پىكىرتالاس سەسسياسى ءوتتى.
17 ۇمىتكەردىڭ ىشىنەن پارتيا مۇشەلەرى "پرايمەريز" اقپاراتتىق جۇيەسى ارقىلى قالالىق كۆوتاعا سايكەس 10 كانديداتتى تاڭدادى.
سونداي-اق كونفەرەنتسيا بارىسىندا قالالىق پارتيا فيليالىنىڭ سايلاۋالدى باعدارلامالارى بەكىتىلدى.
فيليال توراعاسى, قالا اكىمى نۇرلىبەك نالىباەۆ اتاپ وتكەندەي, پارتيانىڭ قالالىق سايلاۋالدى باعدارلاماسى پرايمەريز اياسىندا تۇرعىنداردان تۇسكەن ۇسىنىستاردىڭ 82 پايىزى ەسكەرىلىپ جانە قالانى دامىتۋدىڭ نەگىزگى 7 باعىتى بويىنشا ازىرلەنگەن.
ەسكە سالا كەتەيىك, بۇعان دەيىن "Nur Otan" پارتياسى وڭىرلىك فيليالداردىڭ كونفەرەنتسيا كەستەسىن جاريالاعان بولاتىن, ونىڭ بارىسىندا بارلىق دەڭگەيدەگى ماسليحاتتارعا پارتيالىق تىزىمدەر جانە ءار وڭىردەن ماجىلىسكە ارنالعان پارتيالىق تىزىمگە كانديداتتار انىقتالاتىن بولادى.
پارتياىشىلىك ىرىكتەۋدىڭ ءبىرىنشى كەزەڭىنە 109 كانديدات قاتىستى. ونىڭ 30.2%-ى – ايەلدەر, 23.8%-ى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 35.7%-ى ۇسىنىلسا, 64,3%-ى – ءوزىن-ءوزى ۇسىنۋشىلار.