شىمكەنت قالاسىندا بيىل جول-قۇرىلىس جۇمىستارى قارقىندى جۇرگىزىلۋدە. قالا اكىمى م. ايتەنوۆ قالاداعى جول سالاسىندا اتقارىلعان جۇمىستاردىڭ بارىسىن پىسىقتادى, دەپ حابارلايدى Egemen.kz شىمكەنت قالاسى اكىمىنىڭ ءباسپاسوز قىزمەتىنە سىلتەمە جاساپ.
2020 جىلى جولاۋشىلار كولىگى جانە اۆتوموبيل جولدارى باسقارماسىنا جالپى 33,8 ملرد تەڭگە قارجى قارالعان: رەسپۋبليكالىق بيۋدجەت – 10,8 ملرد تەڭگە, جەرگىلىكتى بيۋدجەت – 23,0 ملرد. تەڭگە.
بيىل اۆتوموبيل جولدارى سالاسىنا – 25,4 ملرد. تەڭگە بولىنگەن. 2020 جىلدىڭ 1 قاراشاسىنداعى مالىمەت بويىنشا 24,7 ملرد تەڭگە نەمەسە 73,1 % - ى يگەرىلدى. قاراشا-جەلتوقسان ايلارىندا 6,2 ملرد تەڭگە قارجى يگەرىلەتىن بولادى.
اعىمداعى جىلى قالادا 261 نىسان نەمەسە 416,8 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلدى. ونىڭ ىشىندە, وسى جىلى 236 نىسان (306,7 شاقىرىم) پايدالانۋعا بەرىلەدى.
شىمكەنت قالاسىندا اۆتوموبيل جولدارىنىڭ جالپى ۇزىندىعى 3 مىڭعا جۋىق شاقىرىمدى قۇرايدى. ونىڭ ىشىندە: 1,8 مىڭ شاقىرىم. – اسفالتتالعان, قالعان 1,2 مىڭ شاقىرىم. – شاعال تاس پەن توپىراق. جىل قورىتىندىسىمەن جاقسى جانە قاناعاتتى جاعدايداعى جولداردىڭ ۇلەسى 3,5 %-عا ۇلعايىپ, جالپى 60%-عا جەتكىزۋ جوسپارلانعان.