الماتىدا ۇلتتىق ۇلاننىڭ اسكەري قىزمەتكەرلەرى تاپانشا ۇستاعان ەر ادامدى ۇستادى, دەپ حابارلايدى Egemen.kz Polisia.kz باسىلىمىنا سىلتەمە جاساپ.
11 قاراشا ساعات 22.00-دە كەزەكشى بولىمگە مەدەۋ اۋدانىنداعى كوشەلەردىڭ بىرىندە قولىندا قارۋى بار ەر ادام جۇرگەنى تۋرالى حابارلاما تۇسەدى.
سودان كەيىن ايتىلعان مەكەنجايعا شىققان ۇلتتىق ۇلان اسكەريلەرى قوناەۆ-مامەتوۆ كوشەلەرىنىڭ قيىلىسىندا ەر ادامدى تابادى. ول ءتارتىپ ساقشىلارىن كورىپ, قاشۋعا تىرىسادى. الايدا اسكەريلەر ونى ۇستاعان.
ۇستالعان ورىنعا مەدەۋ اۋدانى پب تەرگەۋ-شۇعىل توبى شاقىرىلعان. سول جەردە 26 جاستاعى ازاماتتان ەكى گاز جانە ءنومىرى ءوشىپ قالعان سيگنالدىق تاپانشا تاركىلەنەدى.