شەكتەۋ شارالارىن ءجيى بۇزاتىن قاي وڭىرلەر

"مونيتورينگ توپتاردىڭ رەيد تەكسەرۋلەرىنىڭ ناتيجەسىندە رەسپۋبليكا بويىنشا وتكەن اپتادا كارانتين شارالارىن بۇزۋ فاكتىلەرى انىقتالعان نىسانداردىڭ جالپى ۇلەسى 9,7 پايىزدى قۇرادى. شىعىس قازاقستان, الماتى وبلىستارىندا ەپيدەمياعا قارسى شەكتەۋ شارالارىن ساقتامايتىن نىساندار سانىنىڭ ايتارلىقتاي ارتقانى بايقالادى", دەدى ۆيتسە-مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا.

ونىڭ اتاپ وتۋىنشە, وتكەن اپتادا شىعىس قازاقستان وبلىسىندا شەكتەۋ شارالارىن بۇزاتىن نىسانداردىڭ ۇلەس سالماعى 12-دەن 33 پايىزعا, الماتى وبلىسىندا 5-تەن 12 پايىزعا ارتقان.

"اكىمشىلىك قۇقىقبۇزۋشىلىق تۋرالى كودەكستىڭ 425-بابىنا سايكەس, شەكتەۋ شارالارى تالاپتارىن بۇزعانى ءۇشىن تۇركىستان وبلىسىندا 237, شىعىس قازاقستان وبلىسىندا 260, الماتى وبلىسىندا 106 جانە اقمولا وبلىسىندا 101 نىسانعا اكىمشىلىك ايىپپۇل سالدى", دەدى باس مەملەكەتتىك سانيتاريالىق دارىگەر.