قۇستارعا سوعىسىپ,قاۋىپسىزدىك ءۇشىن اۋەجايعا قايتا ورالعان ۇشاق جولاۋشىلارىنا SCAT اۆياكومپانياسى ءتيىستى جولاقىسىن قايتارادى, دەپ حابارلايدى Egemen.kz
SCAT اۆياكومپانياسىندا ايتىلعانداي, 30-دان استام ادام باسقا كۇنگە رەيسكە تاپسىرىس جاسادى, ال قالعان كليەنتتەرگە بيلەتتىڭ تولىق قۇنى قايتارىلادى. اۆياكومپانيا وكىلدەرى بارلىق رەزيدەنت ەمەس جولاۋشىلاردى اتىراۋداعى قوناقۇيگە ورنالاستىرىپ, ولاردى ءۇش مەزگىل تاماقتاندىرعانىن دا اتاپ ءوتتى.
ەستەرىڭىزگە سالا كەتەيىك, اتىراۋ - نۇر-سۇلتان باعىتىندا كوتەرىلگەن ۇشاق 12 مينۋتتان كەيىن اپاتتى جاعدايدا اۋەجايعا قايتا قونعان ەدى. بەلگىلى بولعانداي, ۇشاق ءىرى قۇستار توبىمەن سوقتىعىسقان. انىق بولعانداي, توتەنشە جاعداي كەزىندە بورتتا 115 جولاۋشى بولعان.