رەسەي فەدەراتسياسىنىڭ قورعانىس ءمينيسترى سەرگەي شويگۋ مەن تۇركيا اسكەري ءبولىمىنىڭ باسشىسى حۋلۋسي اكاردىڭ بەينەبايلانىس ارقىلى سويلەستى. جۇرگىزىلگەن كەلىسسوزدىڭ قورىتىندىسى بويىنشا تاۋلى قاراباقتاعى قاقتىعىسى توقتاتۋدى باقىلاۋ جونىندەگى بىرلەسكەن رەسەي-تۇرىك ورتالىعىن قۇرۋ تۋرالى مەموراندۋمعا قول قويىلدى, دەپ حابارلايدى Egemen.kz قازاقپاراتقا سىلتەمە جاساپ.
"كەلىسسوزدەر قورتىندىسى بويىنشا تاۋلى قاراباق قاقتىعىس ايماعىندا اتىستى توقتاتۋ جانە بارلىق اسكەري ءىس -قيمىلداردى باقىلاۋ بويىنشا بىرلەسكەن ورتالىق قۇرۋ تۋرالى مەموراندۋمعا قول قويىلدى", دەپ حابارلادى اسكەري ۆەدومستۆودان.
مەموراندۋمدا مونيتورنگ بويىنشا بىرلەسكەن ررتالىقتىڭ مىندەتتەرى مەن پرينتسيپتەرى ايقىندالدى. رەسەي قورعانىس مينيسترلىگى حابارلاعانداي, شويگۋدىڭ پىكىرىنشە, رەسەي مەن ازەربايجان پرەزيدەنتتەرى مەن ارمەنيا پرەمەر-ءمينيسترى قول جەتكىزگەن كەلىسىمدەر, سونداي-اق رەسەيلىك بىتىمگەرلەردى قاقتىعىس ايماعىنا ەنگىزۋ اتىستى, قانتوگىستى توقتاتۋعا جانە بەيبىت ومىرگە ورالۋعا جاعداي جاساۋعا مۇمكىندىك بەردى.
اتىستى توقتاتۋدى باقىلاۋ جونىندەگى بىرلەسكەن ورتالىق ازەربايجان اۋماعىندا ورنالاسادى. ورتالىق قول جەتكىزىلگەن ۋاعدالاستىقتاردى بۇزۋعا بايلانىستى كەز كەلگەن شاعىمداردى, ماسەلەلەردى قاراستىراتىن ورگان بولادى.
ەسكە سالساق, 10 قاراشادا تاۋلى قاراباقتا اتىستى توقتاتۋ تۋرالى مالىمدەمەگە قول قويىلدى. سونداي-اق, قازاقستان رەسپۋبليكاسى سىرتقى ىستەر مينيسترلىگى تاۋلى قاراباقتاعى جاعدايعا قاتىستى مالىمدەمە جاسادى.