پارلامەنت سەناتى الەۋمەتتىك-مادەني دامۋ كوميتەتىنىڭ توراعاسى, ساياسي عىلىمدار دوكتورى, پروفەسسور اقان بيجانوۆ الماتىدا قازاقستان ساياساتتانۋشىلارىنىڭ كونگرەسىنە قاتىستى, دەپ حابارلادى وسى پالاتانىڭ ءباسپاسوز قىزمەتى.
پارلامەنت سەناتى الەۋمەتتىك-مادەني دامۋ كوميتەتىنىڭ توراعاسى, ساياسي عىلىمدار دوكتورى, پروفەسسور اقان بيجانوۆ الماتىدا قازاقستان ساياساتتانۋشىلارىنىڭ كونگرەسىنە قاتىستى, دەپ حابارلادى وسى پالاتانىڭ ءباسپاسوز قىزمەتى.
سەناتور ءوز سوزىندە 2050 جىلى الەمنىڭ ەڭ دامىعان 30 ەلىنىڭ قاتارىنا كىرۋ جونىندەگى قازاقستان پرەزيدەنتى نۇرسۇلتان نازارباەۆ العا قويعان جاڭا ساياسي باعىتتىڭ باستى ماقساتىن ىسكە اسىرۋعا ساياساتتانۋشى عالىمدار تىكەلەي قاتىسۋى ءتيىس ەكەنىن اتاپ ءوتتى. ا.بيجانوۆ وتاندىق عىلىمدى, ونىڭ ىشىندە ءبىلىمنىڭ ساياساتتانۋ سالاسىنىڭ ورنىقتى دامۋىن قامتاماسىز ەتۋگە باعىتتالعان زاڭنامانى ودان ءارى جەتىلدىرۋ قاجەتتىگىنە نازار اۋداردى. «ءبىلىم بەرۋ جۇيەسىن جاڭعىرتۋ جونىندەگى قۇقىقتىق بازانى جەتىلدىرۋ, مامانداردى دايارلاۋدا ساپانى قامتاماسىز ەتۋ, عىلىمي زەرتتەۋلەردىڭ تيىمدىلىگىن ارتتىرۋ جالعاساتىن بولادى», دەدى سەناتور.
ا.بيجانوۆ, سونداي-اق, رەسپۋبليكانىڭ ستراتەگيالىق دامۋىندا قازىرگى زامانداعى قاتەرلەرگە بايلانىستى تەوريالىق-ادىستەمەلىك نەگىزدەردىڭ ماسەلەلەرى كوكەيكەستى بولا تۇسكەنىن اتاپ ءوتتى. «وسىعان قاتىستى العاندا ەلىمىزدىڭ ساياساتتانۋشىلار قاۋىمداستىعىنىڭ الدىندا قازاقستاندىق قوعامدىق قاتىناستار ۇلگىسىن ودان ءارى جەتىلدىرۋ ءۇشىن عىلىمي نەگىزدەلگەن بازامەن قامتاماسىز ەتۋ مىندەتى تۇر. وسى جۇمىستار ەلىمىزدىڭ ساياساتتانۋ سالاسىنىڭ تانىلعان ورتالىقتارى – ءبىلىم جانە عىلىم مينيسترلىگىنىڭ فيلوسوفيا جانە ساياساتتانۋ ينستيتۋتى, قازاقستان پرەزيدەنتى جانىنداعى ستراتەگيالىق زەرتتەۋلەر ينستيتۋتى, ءال-فارابي اتىنداعى قازۇۋ جانە وسىعان تەڭدەس عىلىمي دەڭگەيدەگى باسقا مەكەمەلەر توڭىرەگىندە شوعىرلانعانى ورىندى دەپ سانايمىن», دەدى سەناتور.