جەزقازعان قالالىق پوليتسيا باسقارماسىنىڭ قىزمەتكەرلەرى تەمىرجول رەلستەرىن ۇرلاماقشى بولعان ەكى ازاماتتى ۇستادى, دەپ حابارلايدى Egemen.kz
8 قاراشا كۇنى جەزقازعان قالالىق پوليتسيا باسقارماسىنىڭ پاترۋلدىك پوليتسيا روتاسىنىڭ قىزمەتكەرلەرى تەمىرجول وتكەلدەرىنىڭ ماڭىندا ءىس-قيمىلدارى كۇدىك تۋدىرعان ەكى ازاماتتى بايقاعان.
اتالعان ازاماتتار پوليتسيا قىزمەتكەرلەرىن كورە سالىسىمەن وقيعا ورنىنان قاشپاقشى بولعان. الايدا پوليتسيا قىزمەتكەرلەرى كۇدىك تۋدىرعان ازاماتتاردى ۇستاپ, پوليتسيا باسقارماسىنا جەتكىزگەن.
ءمان-جايدى انىقتاۋ بارىسىندا ولاردىڭ تەمىرجول رەلستەرىن ۇرلاپ, مەتالل قابىلداۋ ورنىنا وتكىزبەكشى بولعانى بەلگىلى بولدى. ۇرلىق جاساۋعا وقتالۋ بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە.