قاراعاندىدا جەدەل جاردەم كولىگى جاياۋ جۇرگىنشىنى قاعىپ كەتتى. ناتيجەسىندە جابىرلەنۋشى وقيعا ورنىندا قايتىس بولدى, دەپ حابارلايدى Egemen.kz
جول-كولىك وقيعاسى قالانىڭ وكتيابر اۋدانىنداعى پوپوۆا كوشەسىندە بولعان. 51 جاستاعى جەدەل جاردەم جۇرگىزۋشىسى شاقىرتۋعا اسىعىپ بارا جاتقان. ول 15-ءشى تاس جولدان وتىز مەتر قاشىقتىقتا جاياۋ جۇرگىنشى جولىندا تۇرعان 71 جاستاعى ەر ادامدى قاعىپ كەتەدى. سوققى كۇشتى بولعانى سونشا, ەر ادام العان جاراقاتتارىنان سول جەردە قايتىس بولدى.
"اتالعان فاكتى بويىنشا قر قىلمىستىق كودەكسىنىڭ 345-بابى 3-بولىگى, "جول ەرەجەسىن بۇزۋ, ادامنىڭ ابايسىزدا ولىمىنە اكەپ سوقتىرۋى" بويىنشا قىلمىستىق ءىس تىركەلدى. ءتيىستى ساراپتامالار تاعايىندالدى. تەرگەۋ امالدارى جۇرگىزىلۋدە", دەپ حابارلادى قاراعاندى وبلىسىنىڭ پوليتسيا دەپارتامەنتى قىزمەتكەرلەرى.