قىزىلوردالىق پوليتسەيلەر جوعالعان كامەلەتكە تولماعان ءجاسوسپىرىمدى پويىزدان تاپتى, دەپ حابارلايدى Egemen.kz. بۇل تۋرالى Polisia.kz سايتى جازدى.
7 قاراشا كۇنى ساعات 19:00-دە قىزىلوردا قالاسىنىڭ پوليتسيا باسقارماسىنا قالا تۇرعىنى حابارلاسىپ, 2005 جىلى تۋعان قىزىنىڭ تۋىستارىنا بارىپ, ءارى قاراي تۋىستارىنىڭ ۇيىنەن بەلگىسىز باعىتقا شىعىپ كەتىپ, قايتىپ ورالماعاندىعى تۋرالى ارىزدانعان.
جوعالعان قىزدى ىزدەستىرۋ ءۇشىن ۋچاسكەلىك پوليتسيا ينسپەكتورلارى مەن كريمينالدىق پوليتسيا قىزمەتكەرلەرىنەن ءموبيلدى توپ قۇرىلدى, سونداي-اق پوليتسيانىڭ قوسىمشا كۇشتەرى تارتىلدى.
ىزدەستىرۋ ءىس-شارالارىنىڭ ناتيجەسىندە 7 قاراشا كۇنى كامەلەتكە تولماعان بويجەتكەننىڭ وسكەمەن باعىتىنداعى پويىزدا ەكەنى انىقتالدى.
وقيعانىڭ ءمان-جايىن انىقتاۋ بارىسىندا قىزدىڭ اتا-اناسىنا ەسكەرتپەي, پويىزبەن وسكەمەن قالاسىنا بارىپ, دوسىمەن كەزدەسپەك بولعانى بەلگىلى بولدى.
قازىر ءجاسوسپىرىمنىڭ اتا-اناسى قىزىن قايتارۋ ءۇشىن وسكەمەن قالاسىنا اتتاندى.