وسىنداي تاقىرىپپەن وسكەمەندە مەملەكەتتىك ءتىلدىڭ قولدانۋ اياسىن كەڭەيتۋ, ءتىل مارتەبەسىن, رۋحىن اسقاقتاتۋ, حالىق اراسىنداعى تالاپتى دا تالانتتى جاستاردى ىزدەپ تابۋ, ولاردىڭ شىعارماشىلىق باستاماسىنا قولداۋ كورسەتۋ ماقساتىندا شىعىس قازاقستان وبلىسىنىڭ تىلدەردى دامىتۋ باسقارماسىنىڭ قولداۋىمەن جازبا اقىنداردىڭ ءمۇشايراسى بولىپ ءوتتى.
وسىنداي تاقىرىپپەن وسكەمەندە مەملەكەتتىك ءتىلدىڭ قولدانۋ اياسىن كەڭەيتۋ, ءتىل مارتەبەسىن, رۋحىن اسقاقتاتۋ, حالىق اراسىنداعى تالاپتى دا تالانتتى جاستاردى ىزدەپ تابۋ, ولاردىڭ شىعارماشىلىق باستاماسىنا قولداۋ كورسەتۋ ماقساتىندا شىعىس قازاقستان وبلىسىنىڭ تىلدەردى دامىتۋ باسقارماسىنىڭ قولداۋىمەن جازبا اقىنداردىڭ ءمۇشايراسى بولىپ ءوتتى.
مۇشايراعا 30-دان استام ۇمىتكەر قاتىستى. ءبىرىنشى كەزەڭدە قازىلار القاسىنىڭ ىرىكتەۋىنەن وتكەن 12 اقىن دوستىق ۇيىندە وزدەرىنىڭ ءتىل تۋرالى ولەڭدەرىن وقىدى. ءمۇشايرادا ءبىرىنشى ورىندى جەڭىپ العان باقجان ەلسىنبەكقىزىنىڭ «ءتىلتۇمار» دەگەن ولەڭى جينالعاندارعا كوپ وي سالدى. تاۋەلسىزدىك العان 22 جىلدا ءتىل پروبلەماسى شەشىلۋدىڭ ورنىنا قۇلدىرىپ بارا جاتقانداي ما قالاي؟
«قۇندىز بورىك بويجەتكەنبىز,
قۇربىم-اۋ,
كۇن قاتپارلى اق شىمىلدىق
تۇر مىناۋ.
انام تاقتى اق جەلەككە
ءتىلتۇمار,
تىلىنە ەشكىم سالماسىن
قىلبۇراۋ».
سونىمەن, 12 اقىننىڭ ولەڭدەرىنە قازىلار القاسى تورەلىگىن شىعاردى. قازىلار القاسىنىڭ توراعاسى اقىن, بىرنەشە جىر جيناقتارىنىڭ اۆتورى سەرىك عابدۋللا ۇلى ولەڭدەردىڭ مازمۇنى مەن كوركەمدىگى, وي جۇيەلىگى مەن تەرەڭدىگى, تاقىرىپتى قامتۋ, ءسوز قولدانىسى, ۇيقاسى مەن وزەكتىلىگىنە ءمان بەرگەندەرىن ايتتى. باس جۇلدەنى سەمەي مەملەكەتتىك پەداگوگيكالىق ۋنيۆەرسيتەتى ءتىل ادەبيەتى فاكۋلتەتىنىڭ ستۋدەنتى باۋىرجان يگىلىك جەڭىپ الدى. باقجان ەلسىنبەكقىزى ءبىرىنشى, قاستەربەك سايلاۋعازى ۇلى ەكىنشى, ال قىزىربەك دۇرگىنباي ۇلى ءۇشىنشى ورىنداردى يەلەندى. ءمۇشايرانى جۇرگىزگەن زاۋرەش تولەۋحانقىزى جەرگىلىكتى كوركەمونەرپازداردىڭ ونەرىن كوپشىلىك تالقىسىنا ۇسىنىپ, اراسىندا ءتىل تۋرالى ولەڭدەردى وقىپ, كوپشىلىكتى ۇيىتىپ تاستادى. «تۋعان ءتىلىم – سارقىلماس قازىنام» دەگەن جىر ءمۇشايراسىنىڭ تاعىلىمدى جاقتارى مول بولدى.
وڭداسىن ەلۋباي,
«ەگەمەن قازاقستان».
وسكەمەن.