زەرتحانالىق قىزمەتتەر مەن جەكە قورعانىس قۇرالدارىنا جاڭا باعالار بەلگىلەندى, دەپ حابارلايدى Egemen.kz باسەكەلەستىكتى قورعاۋ جانە دامىتۋ اگەنتتىگىنە سىلتەمە جاساپ.
اگەنتتىككە باعالاردىڭ بارلىعىنا تالداۋ جۇرگىزۋ جانە زەرتحانالىق قىزمەتتەر مەن جەكە قورعانىس قۇرالدارىنىڭ باعا ساياساتىنا مونيتورينگ جۇرگىزۋ تاپسىرىلعان.
ناتيجەسىندە پتر-تەستتەردىڭ باعاسى اشىق ساۋدا-وتكىزۋ ساياساتىن كوزدەيتىن مونوپولياعا قارسى كومپلاەنس نارىعىنىڭ 36 سۋبەكتىسىمەن جاساسۋ جولىمەن 18 000 تەڭگەدەن 9 000 تەڭگەگە دەيىن تومەندەدى. "وليمپ "كدل" جشس جانە "ينۆيۆو" جشس 9 مىڭ تەڭگەدەن اسپايتىن باعا بەلگىلەدى. ال "سۇڭقار" جشس جانە "ايگەرىم" جشس سىندى جەكەلەگەن زەرتحانالار باعالاردى تيىسىنشە 6 000 جانە 7 000 تەڭگەگە دەيىن تومەندەتتى.
سونداي-اق مەديتسينالىق ماسكالاردىڭ باعاسى ءبىر داناسى ءۇشىن ورتا ەسەپپەن 21 تەڭگەگە دەيىن, ديستريبيۋتورلار مەن بولشەك ساۋدا جەلىلەرىنىڭ ۇستەمە باعاسى ءبىر داناسى ءۇشىن 20 تەڭگەدەن 3 تەڭگەگە دەيىن, وندىرۋشىلەرمەن, ديستريبيۋتورلارمەن جانە بولشەك ساۋدا جەلىلەرىمەن مونوپولياعا قارسى كومپلاەنس ازىرلەۋ ارقىلى ءبىر داناسى ءۇشىن ورتا ەسەپپەن 60 تەڭگەدەن 26 تەڭگەگە دەيىن تومەندەدى.