شىعىس قازاقستان وبلىسىمەن شەكارادا 2 بلوكبەكەت ورناتىلادى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
بۇل تۋرالى ونلاين ءباسپاسوز جيىنىندا پاۆلودار وبلىسى پوليتسيا دەپارتامەنتى باسشىسىنىڭ ءبىرىنشى ورىنباسارى جاسقايرات قايىروۆ ءمالىم ەتتى.
"پاۆلودار قالاسىنىڭ اۋماعىندا 5 بلوك بەكەت قويىلادى. بەكەتتەر كوكتەمدەگى ورىندارىنا ورناتىلادى. اقسۋدا 2 بلوك بەكەت قويىلادى. ولار اقسۋ-ەۆگەنەۆكا باعىتىنداعى جولدا جانە اقسۋ كەنتى مەن ماەس ماڭىندا بولادى. سونداي-اق ىندەت ءورشىپ تۇرعان شىعىس قازاقستان وبلىسىمەن شەكارالاساتىن اققۋلى جانە ماي اۋداندارىندا بلوك بەكەتتەر ورناتىلادى", دەدى جاسقايرات قايىروۆ.بلوكبەكەتتەردەن pvlinfo.kz رۇقسات بەرۋ سايتىنا تىركەلگەندەر, جۇمىس ورنىنان انىقتامالارى بار ادامدار جانە مەديتسينالىق قىزمەت الۋعا كەلگەندەر عانا وتكىزىلەدى. "وعان قوسا, وبلىستا مونيتورينگ توپتارىنىڭ سانى 22-دەن 40-قا دەيىن جەتكىزىلەدى. وتباسىلىق جانە باسقا دا شارالار وتكىزۋگە, كارانتيندىك تالپتاردى ساقاتۋعا قاتىستى قاتاڭ باقىلاۋ جاسالادى. ەرەجە بۇزۋشىلىقتار انىقتالسا, 83 مىڭنان 4 ميلليون تەڭگەگە دەيىن ايىپپۇل سالىنادى", دەدى جاسقايرات قايىروۆ.سونىمەن قاتار, قالاارالىق, اۋدانارالىق جولاۋشىلار تاسىمالى توقتايدى. تەك قالا ماڭىنداعى جانە قالا ىشىندەگى قوعامدىق كولىكتەر جۇمىس كۇندەرى ادەتتەگىدەي قوزعالىسىن جالعاستىرادى. ال, دەمالىس كۇندەرى توقتايدى."تەمىر جول قاتىناسىنا كەلسەك, بۇعان دەيىن پاۆلودار-الماتى باعىتىنداعى №31 پويىز كۇن سايىن قاتىنايتىن. ەندى كۇن ارالاپ جۇرەتىن بولادى. ۋاقىتتارى كەيىن حابارلانادى. ول پويىز تەك ءىرى ستانتسيالاردا عانا توقتايدى. ولار: پاۆلودار, ەكىباستۇز, اقسۋ, بوزشاكول ستانتسيالارى. ۇشاقپەن ۇشۋ كەزىندە جانە پويىزدارعا مىنەردە پتسر ناتيجەسى قاجەت ەمەس", دەدى پاۆلودار وبلىسى جولاۋشىلار كولىگى جانە اۆتوموبيل جولدارى باسقارماسى باسشىسىنىڭ م.ا. ديانا مۇحانوۆا.