سپورتتى سەرىك ەتكەندەر كوبەيدى

باتىس قازاقستان وبلىسىنىڭ دەنە شى­نىقتىرۋ جانە سپورت باس­قار­ماسىنىڭ باس­شىسى قايمەن ەسەن­دياروۆتىڭ ايتۋىن­­شا, سپورت سالا­سىن­­داعى قوردالانعان ماسەلەلەردى شەشۋ ءۇشىن وڭىردە ءبىرشاما جۇ­مىس اتقا­رىل­عان. ول پرەزيدەنت قاسىم-جومارت توقاەۆ بيىلعى جول­دا­ۋىن­دا جاس ۇرپاق تاربيەسىنە, بۇقا­را­لىق سپورت پەن دەنە شىنىقتىرۋ, اسىرەسە بالا­لار سپورتىنا ەرەك­شە كوڭىل ءبولۋ قا­جەت­تىگىن ايتقانىن ەسكە سالدى.

قازىر سپورت سالاسىنداعى وزەكتى ما­سە­­­لەنىڭ ءبىرى – اۋدانداردا سپورت ين­فرا­­قۇرىلىمىن دامىتۋ. اۋىلدىق جەرگە سپورت ماماندارىن, ادىسكەرلەر مەن جاس جاتتىقتىرۋشىلاردى تارتۋ دا قيىن. شىنىندا دا اۋىلداردا سپورت زالدارى تاپشى, سپورتپەن اينا­لىسۋ ءۇشىن قاجەتتى جاعداي جوق ەكەنى, سپورتتىق قۇرال-جابدىقتىڭ جەت­كى­لىكسىزدىگى راس. وسى ولقىلىقتى جويۋ ءۇشىن 2020-2021 جىلدار ىشىندە «قارا­شىعاناق پەترولەۋم وپەرەيتينگ ب.ۆ.» كومپانياسىنىڭ ينۆەستيتسياسى ەسەبى­نەن وبلىستىڭ 7 اۋدانىندا 8 دەنە شىنىقتىرۋ-ساۋىقتىرۋ كەشەنىن سالۋ كوزدەلگەن ەدى. قازىردىڭ وزىندە بۇل كەشەن­دەردىڭ ءبىرازى پايدالانۋعا بەرىلدى. بيىلعى 22 مامىردا جاڭاقالا اۋىلىن­دا 160 كورەرمەندىك ورنى بار دەنە شى­نىقتىرۋ-ساۋىقتىرۋ كەشەنى تاپسى­رىلدى. ورال قالاسىندا دا سپورت ينفرا­قۇرىلىمىن دامىتۋ ماسەلەسى وڭ شەشىلىپ جاتىر. بيىل مەملەكەت ەسەبىنەن قالا بويىنشا 6 سپورتتىق الاڭ سالىنىپ, ىسكە قوسىلدى. جالپى وبلىس بويىنشا 32 سپورتتىق الاڭ سالىنعان.

ءبىر قۋانارلىعى, وبلىستا جەكە كا­سىپكەرلەردىڭ سپورتتىق نىساندار سال­ۋى كوبەيدى. مىسالى, بيىل قىر­كۇيەك ايىندا كاسىپكەر الپامىس قامالوۆ ورال قالاسىنىڭ «قۇس فابريكاسى» اۋماعىندا جاڭا سپورت زالىن اشتى. كاسىپكەر تولەگەن دوس­بو­لاتوۆ 10-شاعىناۋداندا جاڭا سپورت عيماراتىن ىسكە قوستى. گرەك-ريم كۇرەسىنەن بالالار تاربيەلەيتىن بۇل سپورت كلۋبىنا قازاقستان رەس­پۋب­ليكاسىنا ەڭبەگى سىنگەن جاتتىق­تىرۋشى م.جۇماشەۆتىڭ ەسىمى بەرىلدى. باتىس قازاقستان وبلىسىنىڭ ۇستەل تەننيسى فەدەراتسياسىنىڭ پرەزي­دەن­تى, «مەديتسينالىق ورتالىق» جشس باقىلاۋ كەڭەسىنىڭ توراعاسى رافحات يستاەۆ «ومەگا» شاعىناۋدانىندا سپورت زالىن سالدى. كاسىپكەر دانيار عاب­دۋللين دە كولەمى 3 مىڭ شارشى مەتر قۇرايتىن Omega Sports زاماناۋي سپورت كەشەنىن سالىپ جاتىر. جەكە كاسىپكەر ق.راحمەتوۆانىڭ اتويان ستاديونى جانىنان سالعان ەكى قاباتتى سپورت­تىق نىسانى دا بيىل اياقتالدى. قازىر مۇندا «مۇمكىندىگى شەكتەۋلى ادام­دار­عا ارنالعان سپورت كلۋبى» مۇشەلەرى جات­تى­عىپ ءجۇر. سپورتتىق عيماراتتا جەڭىل اتلەتيكا, قول كۇرەسى, دزيۋدو, گرەك-ريم كۇرە­سى, ەركىن كۇرەس, پاۋەرليفتينگ, دويبى, شاحمات, توعىزقۇمالاق, ۇستەل تەننيسى سىندى سپورت تۇرلەرىمەن اينالىسۋعا مۇمكىندىك جاسالعان. بۇعان دەيىن ولار ازىپ-توزعان, جىلىتۋ جۇيەسى ىستەن شىق­قان «زەنيت» زاۋىتىنىڭ زالىندا جۇرگەن ەدى.

– 2019 جىلى باتىس قازاقستان وبلى­سىن­­دا 181 مىڭعا جۋىق ادامنىڭ قا­تى­سۋى­مەن 3 993 ءىس-شارا ءوتتى. بيىل, ارينە كارانتين ءوز اسەرىن تيگىزدى. دەگەنمەن 8 اي ىشىندە 50 289 ادامنىڭ قاتىسۋىمەن 984 ءىس-شارا وتكىزدىك. سونىڭ 726-سى اۋىلدىق جەردە ءوتىپ, وعان 21 581 ادام قاتىسقان. بۇعان قوسا 307 شارا ونلاين رەجىمدە قا­شىقتان ۇيىمداستىرىلعان, – دەيدى ق.ەسەندياروۆ.

باسقارمانىڭ ەسەبى بويىنشا 2019 جىلى وڭىردە دەنە شىنىقتىرۋمەن جانە سپورتپەن تۇراقتى شۇعىلدا­نۋ­شى­لاردىڭ جالپى سانى 204 968 (31%) ادام بولسا, 2020 جىلدىڭ سوڭىنا دەيىن ولاردىڭ سانىن 32%-عا جەتكىزۋ كوزدەلگەن.

باتىس قازاقستان وبلىسىندا كۇنى بۇ­گىن بالالار مەن جاسوسپىرىمدەردىڭ 23 سپورت مەكتەبى بار. مۇندا 12 674 ءجاسوس­پى­رىم 49 سپورت تۇرىمەن شۇعىلدانادى.

2019 جىلى جاپونيانىڭ نومي قالا­سىندا وتكەن سپورتتىق جۇرىستەن ازيا چەمپيوناتىندا ورالدىق گەورگي شەي­كو كۇمىس جۇلدەنى يەلەنىپ, قازاق­ستان­دىق سپورتشىلار اراسىنان ءبىرىنشى بولىپ توكيو قالاسىندا وتەتىن ءحححىى جازعى وليمپيا ويىندارىنا جول­داما ۇتىپ الدى. سۋ دوبىنان قازاقس­تان رەس­پۋبليكاسى ۇلتتىق قۇراما كومان­دا­سىنىڭ قاقپاشىسى, ورالدىق پاۆەل ليپيلين دە – جولداما يەگەرى.

وڭىردە بۇقارالىق سپورتتى دامىتۋ باعىتىندا اتقارىلعان يگى ءىستىڭ ءبىرى – جەكپە-جەك سپورتى تۇرلەرىنەن وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر مەكتەبى جاڭا قونىسقا كوشتى. بۇل سپورت ۇيى­مىن­دا كۇرەستىڭ سان ءتۇرى بار. مۇندا سامبو كۇرە­سىنەن الەم چەمپيون­دا­رى ەربولات بايباتىروۆ, نۇربول سەرىكوۆ, تەمىرلان يحسان­عاليەۆ, جاس­تار اراسىندا ەراسىل باقىت, گرەك-ريم كۇرەسىنەن جاستار ارا­سىن­­دا ارتۋر ۇمبەتقاليەۆ جانە باسقا­لارى تاربيەلەنگەن. جاقىندا وسى مەكەمە بۇرىنعى «ارمان» سپورت كەشە­نى­نە كوشىرىلىپ, جاس سپورتشىلاردىڭ تولىق­قان­­دى جاتتىعۋىنا جاعداي جاسالدى.

– كەلەر جىلى سپورت سالاسىن تسيفر­لان­­دىرۋ ماقساتىندا «مەتەور» ەلەك­ترون­دى سپورت باعدارلاماسىن ەنگىزۋ قا­راستىرىلىپ جاتىر. باعدار­لا­­مادا سپورت نىساندارىنىڭ, جاتتىق­تىرۋ­شى­لاردىڭ, فەدەراتسيالاردىڭ, تورە­شى­لەر­دىڭ, بالالار كونتينگەنتىنىڭ, بارلىق ءىسساپار تۋرالى اقپاراتتىڭ بىرىڭعاي ەسەبى جۇرگىزىلەدى, – دەيدى ق.ەسەندياروۆ.