باتىس قازاقستاندا كارانتين كۇشەيە مە؟

كۇرە جولدىق مەديتسينالىق قۇتقارۋ بەكەتى – جول-كولىك وقيعا­لا­رى كەزىندە ۋاقتىلى شۇعىل مەديتسينالىق كومەك كورسەتۋگە باعىتتالعان الەۋمەتتىك جوبا. مۇنداي قۇتقارۋ بەكەتتەرىنىڭ ءار بى­رەۋىندە دارىگەر, فەلد­شەر, ديسپەتچەر, قۇتقارۋشى جانە جۇرگىزۋشى-قۇتقارۋشى جۇ­­مىس ىستەيدى. بەكەت ارنا­يى مەدي­تسينالىق تەحنيكامەن, مەديتسينالىق م ۇلىكپەن, اپاتتىق-قۇتقارۋ كەشەنىمەن جابدىقتالعان. ولار جول كولىك وقيعاسى ورىن الا قالسا, زارداپ شەككەندەرگە شۇ­عىل كومەك كورسەتىپ, جانساقتاۋ شارالارىن جۇزەگە اسىرا الادى. سونداي-اق جاقىن ماڭداعى ەمدەۋ مەكەمەسىنە دەيىن جەتكىزەدى. قاجەت جاعدايدا تىكۇشاق قوناتىنداي الاڭى دا بار.

بەكەتتەگى مەديتسينا قىز­مەت­كەر­­ل­ەرى, قۇتقارۋشىلار تەك اپات­­تىق جاعدايدا عانا ەمەس, وز­دى­گىنەن جۇگىنگەندەرگە دە كومەك كورسەتەدى. قىستىڭ قاقاعان ايازىندا, قارلى بورانىندا كۇرە جولدىق مەديتسينالىق قۇتقارۋ بەكەتىنىڭ عيماراتى جىلىتۋ ورنى رەتىندە دە پايدالانىلادى. الايدا مۇنداي بەكەتتە ازاماتتاردى تاماقپەن قامتۋعا مۇمكىندىك جوق. قىستا جولعا شىققان جولاۋشىلار وسى جاعىن دا ەسكەرگەندەرى ءجون.

2019-2020 جىلدارى بەكەت كۇردەلى كۇن رايىنا تاپ بول­عان تۇر­عىندارعا 11 رەت كو­مەككە شىق­تى, 16 ازاماتقا مەدي­تسينالىق كو­مەك كورسەتتى, 27 ادام­دى كو­شىرىپ, 26 ادامدى جى­لىت­قان.

شىعىستاعى كۇرە جولدىق مەدي­تسينالىق قۇتقارۋ بەكەتتەرى مىنا باعىتتاردا ورنالاسقان: وسكەمەن – سەمەي تاس جولىنىڭ 85 شاقىرىمىندا (ۇلان اۋدانى, پريۆولنوە كەنتى), الماتى – وسكەمەن تاس جولىنىڭ 889 شا­قى­­رىمىندا (جارما اۋدانى, ار­شالى كەنتى), ومبى – ماي­قاپ­شاعاي تاس جولىنىڭ 634 شاقى­رى­مىندا (بەسقاراعاي اۋدانى قاراباس كەنتى جانىندا), ومبى – مايقاپشاعاي تاس جولىنىڭ 825 شا­قىرىمىندا (جارما اۋدانى سۋىقبۇلاق كەنتى جانىندا).

كۇرە جولداردىڭ بويىنا قۇت­قارۋ بەكەتتەرى قويىلعانىمەن, جولاۋشىلار دا اسا ساق بولعانى ابزال. جولعا شىقپاس بۇرىن ۇيالى تەلەفونعا كەلىپ تۇسەتىن كۇن رايى تۋرالى اقپاراتتارعا نازار اۋدارىپ وتىرعاندارى دۇرىس. بوراننىڭ بولۋ-بولماۋىن ۇيالى تەلە­فونىڭىزداعى «Darmen» قو­سىم­شاسى ارقىلى دا ءبىلىپ وتى­رۋى­ڭىزعا بولادى.

شىعىس قازاقستان وبلىسى