ەۋرازيالىق ەكونوميكالىق كوميسسيانىڭ (ەەك) كەڭەسى بىلعارى جانە اياق كيىم ونەركاسىبىندە ارلەۋ ماتەريالدارى رەتىندە قولدانىلاتىن بىرقاتار حيميالىق ونىمدەرگە كەدەندىك اكەلۋ باجدارىنىڭ ستاۆكالارىن نولگە تەڭەستىرۋ تۋرالى شەشىم قابىلدادى, دەپ جازادى Egemen.kz ۇيىمنىڭ ءباسپاسوز قىزمەتى تاراتقان دەرەكتەرگە سىلتەمە جاساپ.
ءتيىستى باستامانى رەسەي فەدەراتسياسى كوتەرىپ, 0% مولشەرىندەگى تولەمدەر ءۇش جىلعا بەلگىلەنەدى. بۇعان دەيىن, 22 قىركۇيەكتەگى وتىرىس بارىسىندا ەەك القاسى بىلعارى جانە اياق كيىم ونەركاسىبىنە ارنالعان بىلعارى مەن بەتتىك اكتيۆتى زاتتاردى ارلەۋگە ارنالعان بوياۋلارعا, لاكتارعا, دايىن سۋلى پيگمەنتتەرگە باج ستاۆكالارىن تومەندەتكەن. بۇل شارا بىلعارى, تەرىدەن جاسالعان بۇيىمدار مەن اياق كيىم وندىرۋشىلەردى قولداۋعا باعىتتالعان.
"جەڭىل ونەركاسىپ ەاەو شەڭبەرىندە كووپەراتيۆتى ىنتىماقتاستىقتى دامىتۋدىڭ باسىم باعىتى ەكەندىگىن ەسكەرە وتىرىپ, ۇسىنىلىپ وتىرعان شارانىڭ تيىمدىلىگى وندىرىستىك قىزمەت جاعدايلارىن جاقسارتۋدا, بىلعارى جانە اياق كيىم ونەركاسىبىن دامىتۋدا, ءوندىرىس كولەمىن ۇلعايتۋدا جانە دايىن ءونىمنىڭ باسەكەگە قابىلەتتىلىگىن ارتتىرۋدا كورىنەتىن بولادى", دەدى ەەك ساۋدا ءمينيسترى اندرەي سلەپنەۆ.
ەەك كەڭەسىنىڭ شەشىمى رەسمي جاريالانعان كۇنىنەن باستاپ 30 كۇنتىزبەلىك كۇن وتكەن سوڭ كۇشىنە ەنەدى.