قازاقستاندىق وقۋشىلار حالىقارالىق وليمپيادادا ەكى كۇمىس جانە ءتورت قولا مەدالدى جەڭىپ الدى. بۇل تۋرالى بعم ءباسپاسوز قىزمەتى حابارلادى.
قازاقستان قۇراما كومانداسى 37-ءشى بالقان ماتەماتيكالىق وليمپياداسىنا (Balkan mathematical olympiad) قاتىستى. رۋمىنيا ەلى ۇيىمداستىرعان وليمپيادا 31 قازان مەن 5 قاراشا ارالىعىندا قاشىقتان ءوتتى. بۇل جارىسقا الەمنىڭ 18 ەلىنەن 154 وقۋشى قاتىسىپ, باق سىناستى. بالقان ماتەماتيكالىق وليمپياداسىنا قازاقستان قۇراما كومانداسىندا بولعان 6 وقۋشى قاتىستى.بالقان ماتەماتيكالىق وليمپياداسى – ەۋروپا ەلدەرىنىڭ وقۋشىلارىنا ارنالعان حالىقارالىق ماتەماتيكالىق جارىس. قازاقستان وليمپياداعا قوناق ەل رەتىندە قاتىستى.37-ءشى بالقان ماتەماتيكالىق وليمپياداسىنىڭ قورىتىندىسى بويىنشا ۇلتتىق قۇراما كوماندا ەكى كۇمىس جانە ءتورت قولا مەدالدى جەڭىپ الدى.