ەلوردادا قازان ايىنىڭ باسىنان بەرى كوروناۆيرۋس ينفەكتسياسىمەن سىرقاتتانۋشىلىقتىڭ ءوسۋى بايقالادى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
سوڭعى جەتى كۇندە رەپرودۋكتيۆتى سان بىرلىكتەن اسىپ, بۇگىندە 1,12-ءنى قۇرادى. سوڭعى اپتادا COVID-19 اۋرۋى 1,3 ەسە نەمەسە 27%-عا ءوستى. بۇل تۋرالى بريفينگتە نۇر-سۇلتاننىڭ باس مەملەكەتتىك سانيتارلىق دارىگەرى جاننا پىراليەۆا حابارلادى.
"4 قاراشاداعى جاعداي بويىنشا كوروناۆيرۋس ينفەكتسياسىنىڭ جالپى 14709 جاعدايى تىركەلدى. ولاردىڭ 9030-ى سيمپتومدى, 5679-ى سيمپتومسىز. قالانىڭ سىرقاتتانۋشىلىق كورسەتكىشى ورتاشا رەسپۋبليكالىق كورسەتكىشتەن 2,1 ەسە جوعارى جانە 100 مىڭ تۇرعىنعا شاققاندا 1273-ءتى قۇرادى", دەپ حابارلادى ەلوردانىڭ باس مەملەكەتتىك سانيتارلىق دارىگەرى.
COVID-19 بەلگىلەرى بار پنەۆمونيامەن سىرقاتتانۋشىلىقتى باقىلاۋ 4 قاراشاداعى جاعداي بويىنشا 596 جاعداي تىركەلگەنىن كورسەتتى. سوڭعى 5 اپتادا كۇنىنە 5 جاعداي تىركەلۋدە.
قوعامدىق دەنساۋلىق ساقتاۋ باسقارماسى باسشىسى تيمۋر مۋراتوۆتىڭ ايتۋىنشا, بۇگىندە نۇر-سۇلتاندا توسەك-ورىن سىيىمدىلىعى 1020 بىرلىكتى قۇرايتىن جەتى اۋرۋحانا بار. كوروناۆيرۋس ينفەكتسياسىمەن 85 جانە پنەۆمونيامەن جاتقان 29 ناۋقاس بار. جەدەل جاردەم قىزمەتى كۇنىنە 1561 قوڭىراۋ قابىلدايدى. ونىڭ ىشىندە ورتا ەسەپپەن 14 جاعداي كۆي بويىنشا شاقىرادى.
ەلوردادا كۆي بويىنشا بيوماتەريالدار سىناماسىن الۋعا ارنالعان 15 زەرتحانا بار.
اۋرۋحانالاردى COVID-19 ەمدەۋگە قاجەتتى جابدىقتارمەن قامتاماسىز ەتۋگە كەلەتىن بولساق, ۇيىمدار وكپەنى جاساندى جەلدەتۋ اپپاراتتارىمەن, 19 كومپيۋتەرلىك توموگرافپەن, 27 رەنتگەن اپپاراتىمەن, 500-دەن استام وتتەگى كونتسەنتراتورلارىمەن جانە 1584 وتتەگى نۇكتەلەرىمەن تولىق جابدىقتالعان.
سونىمەن قاتار قوسىمشا ءۇش وتتەگى رەزەرۆۋارى, 601 فلۋومەتر, 500 كوپفۋنكتسيونالدى مەديتسينالىق توسەك-ورىن, 2 جىلجىمالى رەنتگەن كەشەنى, 6 رەنتگەن اپپاراتى ساتىپ الىندى.