سەناتور: بىلىمگە سالىنعان ينۆەستيتسيا اقتالىپ وتىرعان جوق

سەناتور اقىلبەك كۇرىشباەۆ ۇكىمەت باسشىسىنا جولداعان ءساۋالىندا "بىزدىڭ باستى كەمشىلىگىمىزدىڭ ءبىرى – كادرلاردى دايارلاۋ جۇيەسىن زامان تالابىنا ساي قالىپتاستىرا الماعانىمىز. بۇگىنگى تاڭدا جوعارى بىلىكتى مامانداردىڭ جەتىسپەۋشىلىگى ءبىزدىڭ ەكونوميكامىزدى دامىتۋدىڭ ەلەۋلى تەجەگىشى بولىپ وتىر", دەدى.

دەپۋتات ۋنيۆەرسيتەتتەردىڭ باسقارۋ جۇيەسىنە ەنگىزىلگەن رەفورمالارداعى وزگە عىلىمي الەۋەتىنىڭ, ءبىلىم بەرۋ باعدارلامالارى مەن ينفراقۇرىلىمىنىڭ ساپاسىنا ەرەكشە ءمان بەرۋكەرەكتىگىنە نازار اۋداردى. سەناتور شەتەلدىڭ جەتەكشى ۋنيۆەرسيتەتتەرىندەگى تاجىريبەنى مىسالعاكەلتىرىپ, ەلىمىزدەگى جوو ستۋدەنتتەرگە ىرگەلى عىلىمدار بويىنشا ءتيىستى دەڭگەيدە زاماناۋي ءبىلىم بەرە الماي وتىرعانىن جەتكىزدى. سونىمەن قاتار, بىزدە الىنعان تەوريالىق بىلىمگە ءىس جۇزىندە ماشىقتانۋ ءۇشىن, تاجىريبەلىك بازالار جوقتىڭ قاسى ەكەنىن اتاپ ءوتتى. شەتەلدىك الدىڭعى قاتارلى ۋنيۆەرسيتەتتەردىڭ تاجىريبەسىن پايدالانا وتىرىپ, ەلىمىزدەگى ءبىلىم بەرۋ وشاقتارىن عىلىمي-زەرتتەۋ وقۋ ورنى رەتىندە ايقىنداۋ عىلىمي جوبالاردىڭ ناتيجەلى بولۋىنا ءارى تاجىريبە جيناقتاۋدا تيىمدىلىككە ىقپال ەتەدى.

سەناتور جالپى ۋنيۆەرسيتەتتەردەگى باسقارۋ جۇيەسىنە رەفورما قاجەت ەكەنىن اتاپ ءوتتى. ارنايى عىلىمي كەڭەستىڭ القالى قۇرامىن تاعايىنداۋ جانەونىڭ فۋنكتسيالارىن زاڭمەن بەكىتۋ قاجەتتىگى, ال رەكتورلاردى سول عىلىمي كەڭەستە سايلاۋ تۋرالىۇسىنىس ايتىلدى.

بۇگىندە رەسەي, گەرمانيا سەكىلدى مەملەكەتتەردىڭ جوعارعى وقۋ ورىندارىنىڭ باسىم بولىگى زەرتتەۋ باعىتىنداعى ۋنيۆەرسيتەتتەر رەتىندە جۇمىس ىستەيدى. سەناتور ءدال وسى جۇيەنى ەلىمىزدە دە ەنگىزۋ جاستاردىڭ عىلىمعا ىقىلاسىن ارتتىرىپ, ساپالى مامانداردى دايارلاۋعا جول اشاتىنىنا سەنىمدى.

ءبىلىم جانە عىلىم مينيسترلىگىنىڭ مالىمەتىنە سايكەس, 2019 جىلى مامانداردى دايىنداۋ ۇشىنمەملەكەتتىك گرانتتا وقىعان ۋنيۆەرسيتەت تۇلەكتەرىنىڭ تەك 40-74% جۇمىسقا ورنالاسقان. تۇلەكتەردىڭ ءوز ماماندىعىنا ساي جۇمىسقا ورنالاسقانى تۋرالى ناقتى اقپارات تا جوق. "ەگەر جاعداي وزگەرمەسە, ءبىز جىل سايىن بيۋدجەت قارجىسىنىڭ كەم دەگەندە 10 ملرد تەڭگەسىنتيىمسىز جۇمساپ وتىرامىز. بۇل دايەكتەر ەلىمىزدىڭ جوعارى ءبىلىم سالاسىنداعى ەلەۋلى كەمشىلىكتەردىڭ بەتىن اشىپ وتىر", دەدى سەناتور. دەپۋتاتتىق ساۋالدا پروبلەمانى شەشۋ ءۇشىن جەكە مەنشىك ۋنيۆەرسيتەتتەردى جابۋ جەتكىزىلىكسىز, جالپى ەلىمىزدىڭ ۋنيۆەرسيتەتتىك جۇيەنى تۇبەگەيلى رەتتەيتىن ۋاقىت كەلگەنى ايتىلدى.