اقمولا وبلىسىندا شەكتەۋ شارالارى كۇشەيتىلەدى

ۆيتسە-پرەمەر وڭىردەگى ەپيدەميولوگيالىق جاعداي بويىنشا وبلىس باسشىلىعىمەن كەڭەس وتكىزدى, كوروناۆيرۋس ينفەكتسياسىنىڭ ەكىنشى تولقىنىنا دايىندىقتى قامتاماسىز ەتۋ جونىندە قابىلدانىپ جاتقان شارالار تۋرالى ەسەبىن تىڭدادى. پرەمەر-ءمينيستردىڭ ورىنباسارى وڭىردە تىركەلگەن سOVID-19 فاكتىلەرىنىڭ سانى اعىمداعى جىلدىڭ قازان ايىنىڭ قورىتىندىسى بويىنشا 2,7 ەسەگە ارتقانىن اتاپ ءوتتى.ەرالى توعجانوۆ شەكتەۋ شارالارىنىڭ ساقتالۋىن باقىلاۋدى قامتاماسىز ەتۋ جونىندەگى مونيتورينگتىك توپتار قىزمەتىنىڭ تيىمدىلىگىن اتاپ ايتقاندا كوكشەتاۋ, ستەپنوگورسك قالالارىندا جانە بىرقاتار اۋداندا ارتتىرۋ قاجەتتىگىن ايتتى. ۆيتسە-پرەمەر سOVID-19 جۇقتىرعاندارمەن بايلانىستا بولعان ادامداردى قاداعالاۋ جۇمىستارىن كۇشەيتۋ, سونداي-اق پتر زەرتحانالارىنىڭ مۇمكىندىكتەرىن ارتتىرۋ ماسەلەلەرىنە ەرەكشە نازار اۋداردى.ۆەدومستۆوارالىق كوميسسيا توراعاسى ەپيدەميولوگيالىق جاعدايدى تۇراقتاندىرۋ ماقساتىندا اعىمداعى جىلدىڭ 9 قاراشاسىنان باستاپ وبلىس اكىمدىگىنە بىرقاتار شەكتەۋ شارالارىن قابىلداۋدى تاپسىردى, اتاپ ايتقاندا:

كوكشەتاۋ قالاسىنىڭ پەريمەترى بويىنشا بلوك-بەكەتتەر ورناتۋدى;

كۇن سايىنعى ءوسىمى 10-نان استام جاعدايدى قۇرايتىن ەلدى مەكەندەردە سانيتارلىق بلوك-بەكەتتەر ورناتۋدى;

كوكشەتاۋ-الماتى, كوكشەتاۋ-اقتاۋ باعىتتارى بويىنشا اۋە قاتىناسىن اپتاسىنا 2 رەيستەن 1 رەيسكە دەيىن قىسقارتۋدى;

كوكشەتاۋ-قىزىلوردا باعىتى بويىنشا تەمىرجول تاسىمالدارىن اپتاسىنا 7 رەتتەن 3 رەتكە دەيىن قىسقارتۋدى;

جولاۋشىلار تەمىر جول قۇرامدارىنىڭ وبلىس ىشىندە ايالداۋىنا تىيىم سالۋدى (وبلىس اكىمدىگى بەلگىلەگەن جەرلەردى قوسپاعاندا);

ءدىني وبەكتىلەردىڭ, تەاترلاردىڭ, كينوتەاترلاردىڭ, مادەنيەت وبەكتىلەرىنىڭ قىزمەتىن توقتاتا تۇرۋدى;

جۇمىس كۇندەرى ءۇي-جايلارداعى قوعامدىق تاماقتاندىرۋ وبەكتىلەرىنىڭ جۇمىسىن ءبىر مەزگىلدە 30-دان اسپايتىن كەلۋشىلەر بولعان جاعدايدا, 30-دان كەم ورىندىق وبەكتىلەر ءۇشىن ەسەپتىك ورىنداردىڭ 50%-ىنان اسپايتىن جاعدايدا ساعات 8:00-دەن 21:00-گە دەيىن, جۇمىس رەجيمىن قىسقارتا وتىرىپ شەكتەۋدى;

جۇمىس كۇندەرى ساۋدا ۇيلەرىنىڭ, ساۋدا ورتالىقتارىنىڭ, كولەمى 500 شارشى مەتردەن استام ازىق-ت ۇلىكتىك ەمەس دۇكەندەردىڭ جۇمىسىن ساعات 10:00-دەن 20:00-گە دەيىن شەكتەۋدى;

ستراتەگيالىق وبەكتىلەر مەن تىرشىلىكتى قامتاماسىز ەتۋ وبەكتىلەرىنىڭ وندىرىستىك پروتسەستى قامتاماسىز ەتەتىن جۇمىسكەرلەرىن قوسپاعاندا, وبلىس ەلدى مەكەندەرىنىڭ اۋماعى بويىنشا تۇرعىنداردىڭ قوزعالىسىن ساعات 23:00-دەن ساعات 06:00-گە دەيىن شەكتەۋدى;

65 جاستان اسقان ادامدارعا ازىق-ت ۇلىكتى, ءبىرىنشى كەزەكتە قاجەتتى تاۋارلاردى, ءدارى-دارمەكتەردى جانە مەديتسينالىق بۇيىمداردى ساتىپ الۋ جاعدايلارىن قوسپاعاندا, اسا قاجەتتىلىكسىز تۇرعىلىقتى جەرىنەن شىقپاۋدى ۇسىنۋدى;

قىزمەتكەرلەردىڭ كەمىندە 80%-ىن قاشىقتان جۇمىس ىستەۋ رەجيمىنە كوشىرۋدى;

وفلاين رەجيمدە كەڭەستەر وتكىزۋگە تىيىم سالۋدى تاپسىردى.جۇمىس ساپارى بارىسىندا پرەمەر-ءمينيستردىڭ ورىنباسارى جاڭا مودۋلدىك ينفەكتسيالىق اۋرۋحانىنىڭ جانە "جۇمىسپەن قامتۋدىڭ جول كارتاسى-2020" اياسىندا ىسكە اسىرىلعان باسقا دا وبەكتىلەردىڭ جۇمىسىمەن تانىستى.