دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ مالىمەتىنشە, شىعىس قازاقستان وبلىسى كوروناۆيرۋستىڭ تارالۋ قارقىنى بويىنشا "قىزىل" ايماققا ءتۇستى, دەپ حابارلايدى Egemen.kz
وڭىردە ءبىر تاۋلىك ىشىندە كوروناۆيرۋستىق ينفەكتسيانىڭ 226 جاڭا جاعدايى تىركەلدى. بۇل رەسپۋبليكا بويىنشا ەڭ جوعارى كورسەتكىش. سونداي-اق, شىعىس قازاقستان وبلىسىندا ءبىر اپتا ىشىندە كورونوۆيرۋس سالدارىنان قايتىس بولعاندار كوبەيدى. 26 قازان مەن 1 قاراشا ارالىعىندا COVID-19 ۆيرۋسىنان 32 ءولىم تىركەلگەن.
- قۇرمەتتى شىعىسقازاقستاندىقتار! وزدەرىڭىز بىلەتىندەي, الەمنىڭ كوپتەگەن ەلدەرىندە قاتاڭ لوكداۋندار ەنگىزىلگەن. يسپانيادا توتەنشە جاعداي رەجيمى مەن كومەندانتتىق ساعات ەنگىزىلدى, شەكتەۋلەردى 2021 جىلدىڭ مامىرىنا دەيىن ۇزارتۋ جوسپارلانۋدا. يرلانديادا 6 قازاننان باستاپ قايتا لوكداۋن ەنگىزىلدى. ۇيلەرىڭىزدەن بەس شاقىرىمنان استام قاشىقتىققا كەتۋگە تىيىم سالىنادى. بارلىق دەرلىك كاسىپورىنداردىڭ جۇمىسى توقتاتىلدى. گەرمانيادا قايتا كارانتين ەنگىزىلدى. قوناق ۇيلەر, قوعامدىق تاماقتانۋ نىساندارى جابىلدى, - دەپ مىسالدار كەلتىردى شقو تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى تالعات تۇڭعىشباەۆ.
- ءبىزدىڭ وبلىستا قاتاڭ شەكتەۋلەر بولمادى. كاسىپورىنداردى جاۋىپ, كومەندانتتىق ساعات ەنگىزبەيمىز. وڭىردەگى قازىرگى شەكتەۋ شارالارى تۇرعىنداردىڭ دەنساۋلىعى مەن ءومىرىن قورعاۋعا باعىتتالعان, دەدى تالعات تۇڭعىشباەۆ.
شىعىس قازاقستان وبلىسى