سىبايلاس جەمقورلىققا قارسى ءىس-قيمىل اگەنتتىگى پاراساتتىلىق دەپارتامەنتىنىڭ باسشىسى عانيجان اسان ۇلى, اگەنتتىك جانىنان قۇرىلعان رەسپۋبليكالىق اقپاراتتىق-اعارتۋشىلىق شتابىنىڭ جەتەكشىسى ىرزا تۇرسىنزادا مەن وبلىس اكىمىنىڭ ورىنباسارى سەرىك احمەت وبلىس اكتيۆىمەن كەزدەسۋ وتكىزدى.
وبلىس اكىمىنىڭ ورىنباسارى وڭىردە سىبايلاس جەمقورلىق پروفيلاكتيكاسىنا باسا كوڭىل ءبولىنىپ وتىرعانىن اتاپ ءوتىپ, وسى باعىتتا اتقارىلىپ جاتقان جۇمىستار جايلى حابارلاما جاسادى.
ال عانيجان اسان ۇلىنىڭ ايتۋىنشا بۇگىندە قوعامدا سىبايلاس جەمقورلىقتى بارىنشا ازايتۋعا دەگەن تالپىنىس بايقالادى. بۇل ەكونوميكالىق ءوسۋ مەن ازاماتتاردىڭ ءال-اۋقاتىن ارتتىرۋدىڭ نەگىزگى شارتى.. سىبايلاس جەمقورلىق كورىنىستەرىنىڭ ەڭ العاش ساتىلارىندا-اق بولدىرماۋعا باعىتتالعان كومپلاەنس قىزمەتى قالىپتاسۋدا. سونداي-اق وبلىس ورتالىعىندا جانە بارلىق اۋدان ورتالىقتارىندا مەملەكەتتىك قىزمەت كورسەتۋدىڭ سەرۆيستىك مودەلى ەنگىزىلگەن.
رەسپۋبليكالىق اقپاراتتىق-اعارتۋشىلىق شتاب جەتەكشىسى ىرزا تۇرسىنزادا ادالدىق, ادامگەرشىلىك, شىنشىلدىق, تازالىق پرينتسيپتەرىن ۇستانۋعا شاقىرىپ, پاراساتتى قوعام قۇرۋعا باعىتتالعان شارالاردىڭ تيىمدىلىگىن ارتتىرۋ ءۇشىن ەلىمىزدىڭ ءار تۇرعىنى اتسالىسۋى قاجەت ەكەندىگىن اتاپ ءوتتى.