الماتى وبلىسىنىڭ دەنساۋلىق ساقتاۋ مەكەمەلەرىنە 89 جەدەل جاردەم كولىگى مەن 12 جىلجىمالى مەديتسينالىق كەشەنىنىڭ كىلتى تابىستالدى. جالپى, بيىل ايماق بيۋدجەتىنەن بولىنگەن قارجىعا 180 جاڭا كولىك ساتىپ الۋ جوسپارلانعان بولاتىن. سونىڭ العاشقى لەگى اۋدان, قالاداعى دارىگەرلەردىڭ قولدانۋىنا بەرىلدى - دەپ حابارلايدى Egemen.kz.
جەدەل مەديتسينالىق جاردەم كورسەتۋگە قاجەتتى قۇرال-جابدىقتارمەن تولىقتاي قامتىلعان بۇل كولىكتەر قاجەتتىلىككە قاراي ءبولىندى. ماسەلەن, توعىز كولىك وبلىستىق جەدەل جاردەم جانە شۇعىل مەديتسينالىق كومەك كورسەتۋ ستانتسياسىنا بەرىلسە, 10 ماشينا تالدىقورعان قالالىق ەمحاناسىنا قىزمەت ەتپەك. سونداي-اق, وڭىردەگى ەكى شاعىن قالا – قاپشاعاي مەن تەكەلىدەگى اۋرۋحانالارىنا دا ەكى-ەكىدەن جەدەل جاردەم كولىگى جىبەرىلدى. ال سارقان اۋداندىق ورتالىق اۋرۋحاناسى, ەسكەلدى اۋداندىق ورتالىق اۋرۋحاناسى, الاكول اۋداندىق ورتالىق اۋرۋحاناسى مەن كەربۇلاق اۋداندىق ورتالىق اۋرۋحاناسىنىڭ ارقايسىسىنا 2 جەدەل جاردەم كولىگى مەن 1 جىلجىمالى مەديتسينالىق كەشەننەن, قاراتال اۋداندىق ورتالىق اۋرۋحاناسىنا 1 جەدەل جاردەم كولىگى مەن 1 جىلجىمالى مەديتسينالىق كەشەن, كوكسۋ اۋداندىق ورتالىق اۋرۋحاناسىنا 2 جەدەل جاردەم كولىگى, ەڭبەكشىقازاق اۋداندىق ورتالىق اۋرۋحاناسىنا 12 جەدەل جاردەم كولىگى, بالقاش اۋداندىق ورتالىق اۋرۋحاناسىنا 1 جىلجىمالى مەديتسينالىق كەشەن, جامبىل اۋداندىق ورتالىق اۋرۋحاناسىنا 4 جەدەل جاردەم كولىگى مەن 1 جىلجىمالى مەديتسينالىق كەشەن, تالعار اۋداندىق ورتالىق اۋرۋحاناسىنا 9 جەدەل جاردەم كولىگى مەن 1 جىلجىمالى مەديتسينالىق كەشەن, كەگەن اۋداندىق ورتالىق اۋرۋحاناسىنا 1 جەدەل جاردەم كولىگى مەن 1 جىلجىمالى مەديتسينالىق كەشەن, رايىمبەك اۋداندىق ورتالىق اۋرۋحاناسىنا 1 جىلجىمالى مەديتسينالىق كەشەن, ىلە اۋداندىق ورتالىق اۋرۋحاناسىنا 10 جەدەل جاردەم كولىگى, پانفيلوۆ اۋداندىق ورتالىق اۋرۋحاناسىنا 4 جەدەل جاردەم كولىگى, قاراساي اۋداندىق ورتالىق اۋرۋحاناسىنا 14 جەدەل جاردەم كولىگى مەن 1 جىلجىمالى مەديتسينالىق كەشەن, ۇيعىر اۋداندىق ورتالىق اۋرۋحاناسىنا 1 جەدەل جاردەم كولىگى مەن 1 جىلجىمالى مەديتسينالىق كەشەن تابىستالدى.
ايتپاقشى, قولدانىسقا بەرىلگەن جىلجىمالى مەديتسينالىق كەشەندەردە جالپى قابىلداۋ, اكۋشەر-گينەكولوگ, ساۋلەلى دياگنوستيكا كابينەتتەرى, جالپى تاجىريبە جونىندەگى دارىگەر ايماعى, ءدارىحانا, ساراپتاما قابىلداۋ ايماعى جانە ەكسپەرتتىك كلاستاعى ءپورتاتيۆتى ۋلترادىبىستى اپپارات بار. ءارى وسى كەشەندە رەنتگەن مەن فليۋوروگرافيانى قاۋىپسىز تۇردە جاساۋعا مۇمكىندىك قاراستىرىلعان. بارلىق كولىكتە مۇمكىندىگى شەكتەۋلى جاندارعا ارنالعان پاندۋس ءليفتى بار. ياعني, بۇل جىلجىمالى كەشەندەرگە يە بولعان اۋدانداردا مامانداندىرىلعان مەديتسينا قىزمەتكەرلەرى مەن العاشقى مەديتسينالىق-سانيتارلىق كومەك كورسەتۋ ماماندارىنىڭ جەتىسپەۋشىلىگى ماسەلەسى دە ءبىرشاما شەشىمىن تابادى. سۇيىنەرلىگى, وبلىستىڭ شالعايدا جاتقان اۋىل تۇرعىندارىنىڭ باسى اۋىرىپ, بالتىرى سىزداعان جاعدايدا قاجەتتى مامان مەن ءتيىستى مەديتسينا قۇرال-جابدىعىنىڭ قولجەتىمدىلىگىن ەداۋىر ارتتىرادى دەگەن سەنىم بار..
- مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا ەلىمىزدىڭ شالعايداعى جانە قاتىناۋى قيىن وڭىرلەرىندە تۇراتىن اۋىل حالقىنا ساپالى مەديتسينالىق كومەكتىڭ قولجەتىمدىلىگىن ارتتىرۋ تۋرالى تاپسىرما بەرگەن بولاتىن. بۇگىنگى 89 جەدەل جاردەم كولىگى مەن 12 جىلجىمالى مەديتسينالىق كەشەننىڭ كىلتتەرىن سالتاناتتى تۇردە تابىستاۋ وسى مىندەتتى ورىنداۋ نەگىزىندە ىسكە استى. وسى قابىلدانىپ جاتقان شارالار ءوڭىرىمىزدىڭ مەديتسينا قىزمەتكەرلەرىنىڭ جاۋاپكەرشىلىگىمەن جانە كاسىبيلىگىمەن بىرگە جەتىسۋ تۇرعىندارىنىڭ دەنساۋلىعىن نىعايتۋعا جانە ساقتاۋعا ەلەۋلى ۇلەسىن قوسادى دەپ سەنەمىن. بيىل 180 جەدەل جاردەم كولىگى مەن 12 جىلجىمالى مەديتسينالىق كەشەن ساتىپ الىندى. بۇگىن ءبىز وسى جىلجىمالى مەديتسينالىق كەشەندەردىڭ جانە 89 رەانيماتسيالىق ماشينالاردىڭ كىلتتەرىن تاپسىرۋدامىز. قالعان كولىكتەر اعىمداعى جىلدىڭ جەلتوقسان ايىنا دەيىن جەتكىزىلەدى. ناتيجەسىندە, جىل سوڭىنا دەيىن وبلىستىڭ سانيتارلىق كولىكتەرى 80 پايىزعا جاڭارادى. جەدەل جاردەم قىزمەتىنىڭ سانى 165 بريگادادان 205 بريگاداعا دەيىن كوبەيەدى, - دەدى تالدىقورعان قالاسىندا وتكەن جاڭا كولىكتەردى تابىستاۋ سالتاناتىندا وبلىس اكىمى اماندىق باتالوۆ.
وسى جەردە جۇقپالى ىندەتتىڭ ەكىنشى تولقىنىنا دايىندىق اياسىندا مەديتسينالىق قۇرال-جابدىقتاردى تۇگەندەۋگە وبلىس قازىناسىنان قوماقتى قارجى بولىنگەنىن تاعى دا ايتا كەتكەن ءجون. قازىر وسى قارجىعا 3 كومپيۋتەرلىك توموگرافيا, 150 وكپەنى جاساندى جەلدەتۋ اپپاراتى ساتىپ الىنعان ەكەن. بۇعان قوسىمشا رەسپۋبليكالىق بيۋدجەت ەسەبىنەن الىنعان 120 وكپەنى جاساندى جەلدەتۋ اپپاراتى دا ايماقتاعى اۋرۋحانالارعا تابىس ەتىلگەن. بۇگىندە وبلىستا 333 وكپەنى جاساندى جەلدەتۋ اپپاراتى مەن 1090 دانا وتتەگى كونتسەنتراتى بار.
سونداي-اق, جاقىندا وڭىردە ۆيرۋس جۇقتىرعانداردى وقشاۋلايتىن جاڭا ءمودۋلدى ينفەكتسيالىق اۋرۋحانا سالىنىپ, ىسكە قوسىلعان بولاتىن. قازىر مۇندا 5 مىڭنان استام توسەك-ورىن دايىن تۇر. مۇنان بولەك, وبلىستا بالالارعا ارنالعان ەكى COVID ورتالىق قۇرىلعان. بۇل ورتالىقتاردىڭ ءبىر مەزگىلدە 400 جەتكىنشەككە دارىگەرلىك كومەك كورسەتۋگە مۇمكىندىگى بار.
الماتى وبلىسى