سەمەيدەگى كوسموناۆتار كوشەسىندەگى ۇيلەردىڭ بىرىنەن ءورت شىعىپ, تومەنگى قاباتتاعى ءۇيدىڭ بالكونى وتقا ورانعان. ءورت سوندىرۋشىلەر مەن توعىز قاباتتى ءۇيدىڭ تۇرعىندارى قاۋىپتى ايماقتان وزدىكتەرىنەن شىعىپ ۇلگىرگەنىمەن, بالاسىن كوتەرگەن انانى ءورت ءسوندىرۋ قىزمەتكەرى الىپ شىققان.
وسى ۇيدە تۇراتىن ءورت ءسوندىرۋ كولىگىنىڭ جۇرگىزۋشىسى ءادىل ەركىن ۇلى كەزەكشىلىكتەن كەيىن ۇيىندە ەدى. كەنەت دالىزدەگى شۋدى ەستي سالىسىمەن سىرتقا شىقسا, كورشى پاتەردەن قارا ءتۇتىننىڭ بۋداقتاپ جاتقانىن كورەدى. ءادىل جانۇشىرا كومەككە ۇمتىلا بەرە دالىزدە بالا ۇستاعان ايەلمەن سوقتىعىسىپ قالعان. ول دەرەۋ 2014 جىلى تۋعان قىز بالانى كوتەرىپ الىپ, تازا اۋاعا شىعاردى. سودان كەيىن پاتەرلەردىڭ ەسىگىن قاعىپ, بارلىق تۇرعىنداردى وياتقان. ءادىلدىڭ ارقاسىندا ەشكىم زارداپ شەكپەي, ۋاقتىلى ۇيدەن شىقتى.
كەلىپ جەتكەن ءورت سوندىرۋشىلەر جالپى اۋدانى 15 شارشى مەتردەگى ءورتتى اۋىزدىقتادى. مامانداردىڭ بولجاۋىنشا, ءورت ابايسىزدا نەمەسە ماس كۇيدە تەمەكى شەككەندىكتەن شىعۋى مۇمكىن.
ءورت سوندىرۋشىلەر ءتىلسىز جاۋمەن ارپالىسىپ جاتقاندا دالاعا شىعارىلعان تۇرعىندار ارنايى «ۆاحتوۆكا» كولىگىنە ورنالاستى.
سەمەي