قورعانىس ۆەدومستۆوسىندا وتكەن اپپاراتتىق كەڭەستە ەلىمىزدە بولىپ جاتقان وقيعالاردى ەسكەرە وتىرىپ, قارۋلى كۇشتەردىڭ قىزمەتىنە تۇزەتۋلەر ەنگىزىلدى.
قالىپتاسقان سانيتارلىق-ەپيدەميالىق جاعدايعا سايكەس, جاڭا وقۋ جىلىنا دايىندىق كەزەڭىنە شەتەلدىك ءىسساپارلاردى بارىنشا ازايتۋعا, جيىن, سپورت جانە ويىن-ساۋىق ءىس-شارالارىن وتكىزۋدى شەكتەۋگە نۇسقاۋ بەرىلدى. ال كەڭەستەر وتكىزۋ, قورىتىندى شىعارۋ ءۇشىن ونلاين فورماتتى, قاشىقتان جۇمىس ىستەۋ ءتارتىبىن پايدالانۋ قاجەت.
دايىندىق كەزەڭى بارىسىندا قاراشانىڭ العاشقى ونكۇندىگىندە قارۋلى كۇشتەر تۇرلەرىنىڭ بارلىق قولباسشىلارى باعىنىستى اسكەرلەرمەن وقۋ جىلىنداعى قىزمەتىنىڭ قورىتىندىلارىن شىعارۋعا جانە جاۋىنگەرلىك سايىستىڭ جەڭىمپازدارىن انىقتاۋ ءۇشىن ءوز ماماندىقتارىنداعى ۇزدىك اسكەري قىزمەتشىلەردى ۇسىنۋعا ءتيىس. قاراشانىڭ ەكىنشى جارتىسىندا قورعانىس مينيسترلىگىنىڭ القا وتىرىسىن وتكىزۋ جوسپارلانىپ وتىر. وندا اسكەردىڭ تىنىس-تىرشىلىگىنىڭ نەگىزگى ماسەلەلەرى – جاۋىنگەرلىك دايارلىق, اسكەري ءتارتىپتىڭ جاي-كۇيى, ماتەريالدىق-تەحنيكالىق قامتاماسىز ەتۋ, سىبايلاس جەمقورلىققا قارسى زاڭنامانى ساقتاۋ بويىنشا قورىتىندىلار شىعارىلادى.
پارلامەنت ءماجىلىسى جانە ءماسليحات دەپۋتاتتارى سايلاۋىنا بايلانىستى جەرگىلىكتى اتقارۋشى ورگاندارمەن ءوزارا ءىس-قيمىل جاساي وتىرىپ, اسكەري بولىمدەردە سايلاۋ ۋچاسكەلەرىن قۇرۋ جوسپارلانعان. بارلىق ساناتتاعى اسكەري قىزمەتشىلەرمەن سايلاۋدىڭ مەملەكەتتى ودان ءارى دامىتۋ ءۇشىن ماڭىزى تۋرالى ءتۇسىندىرۋ جۇمىستارى ۇيىمداستىرىلدى.
بۇل رەتتە, جاۋىنگەرلىك ازىرلىك پەن اسكەري ءتارتىپ دەڭگەيىن تومەندەتۋگە جول بەرمەۋگە نازار اۋدارىلدى. وتكەن جىلمەن سالىستىرعاندا قۇقىقبۇزۋشىلىق سانىنىڭ جالپى قىسقارۋىنا قاراماستان, اسكەري قىزمەتشىلەردىڭ قىزمەتتەن تىس ۋاقىتتا قوعامدىق ورىنداردا ءجۇرىس-تۇرىس قاعيدالارىن بۇزۋ جاعدايلارى ءالى كەزدەسەدى. بۇل بارلىق وتان قورعاۋشىلاردىڭ بەدەلىنە كولەڭكە تۇسىرەدى.
قورعانىس ۆەدومستۆوسىنىڭ باسشىسى وسىنداي فاكتىلەردى بارىنشا ازايتۋ ءۇشىن بارلىق الدىن الۋ ءىس-شارالارىن نەعۇرلىم ساپالى جۇرگىزۋگە نۇسقاۋ بەردى. بۇل ءۇشىن اكىمشىلىك جانە تارتىپتىك ادىستەردى عانا ەمەس, سونداي-اق قوعامدىق ىقپال ەتۋ شارالارىن, وفيتسەرلىك جينالىستاردىڭ جۇمىسىن, اسكەري قىزمەتشىلەردىڭ وتباسى مۇشەلەرىنە بارۋ مەن اڭگىمەلەسۋدى كەڭىنەن قولدانۋ قاجەت.
بۇل باعىتتا ءىىم قىزمەتكەرلەرىمەن بىرلەسىپ, اسكەري قىزمەتشىلەر تۇراتىن جەرلەردە پاترۋلدەۋ ماڭىزدى بولۋى ءتيىس. مۇندا قۇقىقتىق ءتارتىپتى قامتاماسىز ەتىپ قانا قويماي, تۇرعىندار اراسىندا ءتۇسىندىرۋ جۇمىستارىن دا جۇرگىزۋ كەرەك.