بۇل تۋرالى بۇگىن وبلىستىڭ باس مەملەكەتتىك سانيتاريالىق دارىگەرى ءاليا ابدىقايىموۆا حابارلادى. 2 قاراشا كۇنى كۇشىنە ەنەتىن №25 قاۋلىعا سايكەس كينوتەاترلار اشىلىپ, وبلىستىق كوماندالاردىڭ وقۋ-جاتتىعۋ جيىندارىنا رۇقسات بەرىلدى, دەپ حابارلايدى Egemen.kz.
ساۋدا-ويىن-ساۋىق ورتالىقتارى, جابىق بازارلار سەنبى كۇنى دە قىزمەت كورسەتە الادى.تەك جەكسەنبى مەن مەرەكە كۇندەرىنە شەكتەۋ قويىلدى.
"دۇيسەنبىدەن باستاپ كينوتەاترلاردىڭ جۇمىسىن قايتا باستاۋعا شەشىم قابىلدادىق. باستىسى, سانيتارلىق تالاپتى قاتاڭ ساقتاۋلارى كەرەك. جۇمىس ۋاقىتى 9.00 دەن 22.00-گە دەيىن. تولتىرىلۋىن 30 %-دان اسىرماي, infokazakhstan.kz پورتالىندا تىركەلە وتىرىپ, ماسكا رەجيمىن, شاحمات تارتىبىمەن وتىرعىزۋدى, الەۋمەتتىك قاشىقتىقتى ساقتاۋ سەكىلدى شارت قويدىق. ءار سەانس الدىندا دەزينفەكتسيا جاسالۋى قاجەت", دەدى ءاليا ابدىقايىموۆا.
كۇننىڭ ەرتە باتۋىنا بايلانىستى تاماقتانۋ ورىندارى, سۇلۋلىق سالوندار, سپا ورتالىقتارى, مونشا, سپورت زالدارىنىڭ قىزمەت كورسەتۋ ۋاقىتى ءبىر ساعاتقا ازايتىلدى. ياعني. 22:00-گە دەيىن.
ال ويىن-ساۋىق, سپورتتىق ءىس-شارالار, كورمەلەر, فورۋمدار, كونفەرەنتسيالار, سونداي-اق وتباسىلىق ءىس-شارالار, ادامدار كوپ جينالاتىن وزگە دە كەشتەردى وتكىزۋگە تىيىم جالعاسا بەرەدى. كاراوكە, بيليارد, كومپيۋتەرلىك كلۋبتار, تۇنگى كلۋبتار, بوۋلينگ ورتالىقتارى, جابىق ءۇي-جايلارداعى بالالار ويىن الاڭدارى مەن اتتراكتسيون, باتۋت, بۋكمەكەرلىك كەڭسە, فۋدكورتجۇمىستارىنا سالىنعان تىيىم ءالى دە كۇشىندە.
قىزىلوردا وبلىسى