الماتى تەلەارناسىنداعى تىكەلەي ەفير كەزىندە الماتى قالاسىنىڭ اكىمى باقىتجان ساعىنتاەۆ الماتى جەو-2-ءنى گازعا كوشىرۋ بويىنشا جوسپارلانعان جۇمىستار تۋرالى ەگجەي-تەگجەيلى ايتىپ بەردى, دەپ جازادى Egemen.kz.
"بارلىق قوندىرعىلاردى قايتا قۇرۋ ارقىلى سوڭعى وزگەرىستەر جاسالدى. جاقىندا تولىققاندى جۇمىسقا كىرىسەمىز. الماتى جەو-2 نى گازعا اۋىستىرۋدىڭ اياقتالۋ مەرزىمى 2025 دەگەن شەشىمگە كەلدىك. قازىر جىلۋ ەلەكتر ورتالىعىندا 8 قازاندىق بار, ولاردىڭ بارلىعى گازعا كوشۋى كەرەك. ەرتەڭ, 30 قازاننان باستاپ ديزاينەرلەر قورشاعان ورتاعا اسەرىن باعالاۋدى جۇرگىزەدى. 2021 تولىعىمەن قۇجاتتاردىڭ تەحنيكالىق كومپونەنتتەرىن دايىنداۋعا جۇمسالادى, سودان كەيىن ساراپتاما جۇمىستارى باستالادى", دەگەن قالا باسشىسى قۇرىلىس جۇمىسى 2022 جىلدان باستالاتىنىن ايتتى.
"جىلىتۋ ماۋسىمى باستالعان كەزدە قايتا قالپىنا كەلتىرۋ جۇمىستارىن جۇرگىزە المايتىندىعىمىزدى ەسكەرۋىمىز كەرەك. قۇرىلىس جىلىتۋ ماۋسىمىنىڭ سوڭىندا, ءساۋىردىڭ ورتاسىنان قازان ايىنا دەيىن باستالادى. العاشقى ەكى قازاندىقتى جازعى ۋاقىتتا اۋىستىرامىز دەگەن قورتىندىعا كەلدىك. سونىمەن, ەكى بلوك بويىنشا جانە بىرتىندەپ 2025 جىلعا دەيىن ءبىز بارلىق جۇمىستى اياقتايمىز. سودان كەيىن جەو-2-دەن اتموسفەراعا لاستاۋشى زاتتاردىڭ جىل سايىنعى شىعارىلىمى 38 مىڭ توننادان 6,5 تونناعا دەيىن تومەندەيدى", دەپ ءتۇسىندىردى قالا اكىمى.
بۇعان دەيىن الماتى جەو-2 تولىقتاي گازعا كوشىرىلەتىنى حابارلانعان بولاتىن.