قوستانايدا كارىزدەن قاڭقالى ءمايىت تابىلدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
12 قازاندا قوستاناي قالاسىنىڭ پب كەزەكشى بولىمىنە قوڭىراۋ كەلىپ ءتۇستى. جەكە ءۇيدىڭ يەلەرى سەپتيكتەن ادامنىڭ قاڭقاسىن تاپقانىن حابارلاعان. ەرلى-زايىپتىلار جاعىمسىز ءيىستى سەزىپ, كəرىزدى تازارتپاق بولعان. الايدا كۇتپەگەن جاعدايعا تاپ بولىپ, تەز ارادا پوليتسياعا حابار بەرگەن.
اتالعان دەرەك قر قك 99-بابى 1-بولىگى "كىسى ءولتىرۋ" بويىنشا سدتبت-دە تىركەلدى. وقيعا ورنىنا 10 تاجىريبەلى قىزمەتكەردەن تۇراتىن جەدەل-تەرگەۋ توبى اتتاندى.
تۇرعىنداردىڭ ايتۋىنشا, سەپتيك ءۇيدىڭ اۋلاسىنىڭ سىرتىندا, قورشالماعان اۋماقتا ورنالاسقان. بەتى تەمىرمەن جابىلعان, بىراق ق ۇلىپپەن بەكىتىلمەيدى.
ء"بىرىنشى كەزەكتە ءبىز بىرەۋ قىلمىس جاساپ, دەنەنى وسى كارىزگە تاستاپ كەتكەن دەگەن نۇسقانى قاراستىردىق", دەپ اتاپ ءوتتى قوستاناي قالاسىنىڭ پب كريمينالدىق پوليتسيا ءبولىمىنىڭ باستىعى ەربول قارىمساقوۆ.
كەيىنىرەك بۇل نۇسقا قاراستىرىلمادى. سەبەبى, ليۋك بوتەن ادام ونى بايقاي المايتىن جەردە ورنالاسقان. مۇنى ەسكەرگەن پوليتسەيلەر كىسى ولتىرىلگەن ۋاقىتتا وسى ايماقتا بولعان كۇدىكتىلەردى ىزدەستىرۋدى باستادى. سونىمەن قاتار, جەدەل ۋاكىلدەر ءمəيىتتىڭ جەكە باسىن انىقتاۋ جۇمىستارىن جۇرگىزدى. ءتəرتىپ ساقشىلارى ءىز-ءتۇزسىز جوعالعانداردىڭ ءتىزىمىن تەكسەردى. ولاردىڭ نازارىنا 2017 جىلدىڭ قاراشاسىنان بەرى حابار-وشارسىز جوعالىپ كەتكەن قالا تۇرعىنىنىڭ ىزدەستىرۋ ءىسى ىلىكتى. تابىلعان مəيىتتەگى كيىم قالدىقتارى دا ەر ادامنىڭ جوعالعانداعى سيپاتتاماسىنا سايكەس كەلدى.
جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى ەرلى-زايىپتىلاردىڭ ءۇش جىل بۇرىن ورتتەن كەيىن ءۇيدى قالپىنا كەلتىرۋ ءۇشىن جۇمىسشىلاردى جالداعانىن انىقتادى.
پوليتسەيلەر اتالعان ءۇيدى جوندەۋگە قاتىسقان جۇمىسشىلاردى, كۇدىكتىلەردى قۇرىقتادى. قازىرگى ۋاقىتتا ولار قاماۋدا. تەرگەۋ امالدارى جۇرگىزىلۋدە. قىلمىستىق ءىس اياسىندا ولگەن ادامنىڭ جەكە باسىن تولىقتاي انىقتاۋعا, سونداي-اق, وسى قىلمىستىڭ سەبەپتەرىن جانە كۇدىكتىلەردىڭ ارقايسىسىنىڭ وعان قاتىسۋ دارەجەسىن اشۋعا كومەكتەسەتىن ءتورت ساراپتاما تاعايىندالدى.