فيليپپين «مولاۆە» تايفۋنىنان قاتتى زارداپ شەكتى. دۇلەي داۋىل سالدارىنان مانيلا قالاسىنان وڭتۇستىككە قاراي ورنالاسقان جۇزدەگەن كەنتتى سۋ باسىپ قالدى. لۋسون ارالىندا سۋ تاسىپ, 12 ادام ءىس-ءتۇزسىز جوعالعان.
بۇگىنگە دەيىن ەل بيلىگى 25 مىڭنان استام ادامدى قاۋىپسىز ايماققا ەۆاكۋاتسيالاعان. بۇدان بولەك تاعى 20 مىڭعا جۋىق تۇرعىن ارنايى جابدىقتالعان مەكتەپتەر جانە ۇكىمەتتىك عيماراتتاردى پانالاپ وتىر.
باتىسقا قاراي باعىت العان تايفۋننىڭ جىلدامدىعى 125 شاقىرىمدى قۇرايدى. كەي جەرلەردە داۋىل ساعاتىنا 180 شاقىرىمعا دەيىن جەتكەن. ۇكىمەت وكىلدەرىنىڭ حابارلاۋىنشا, «مولاۆە» وڭتۇستىك قىتاي تەڭىزىنە قاراي بەت الۋى مۇمكىن.
شىعىس ميندورو پروۆينتسياسى تابيعي اپاتتان ەڭ كوپ زارداپ شەكتى. ايماقتا جۇزدەگەن كەنت سۋ استىندا قالىپ, اۋىلشارۋاشىلىق القاپتار ءب ۇلىندى. قۇلاعان اعاشتار جولداردى بوگەپ تاستاعان. كوپتەگەن ەلدى مەكەندە ەلەكتر جارىعى جوق. ەكى مىڭعا جۋىق جۇمىسشى پورتتاردا قامالىپ قالعان.
جالپى, فيليپپين الەمدەگى تايفۋن ءجيى بولاتىن ءوڭىر سانالادى. جىل سايىن مۇندا شامامەن 20-عا جۋىق داۋىل تۇرادى.