"استانا" حالىقارالىق قارجى ورتالىعىنىڭ قارجى تەحنولوگيالارى حابى "سەنتراس" كومپانيالار توبىمەن بىرلەسىپ كليەنتتەرگە "قازىر جانە وسى جەردە" پرينتسيپىمەن كومەك كورسەتۋ بويىنشا ۇزدىك تەحنولوگيالىق شەشىمگە بايقاۋ جاريالادى, دەپ حابارلايدى Egemen.kz
"سەنتراس" كومپانيالار توبى قازاقستان نارىعىندا 15 جىلدان استام ۋاقىتتان بەرى قارجىلىق-ينۆەستيتسيالىق قىزمەت كورسەتۋدىڭ كەڭ سپەكترىن ۇسىنىپ كەلەدى. اتاپ ايتقاندا, "سەنتراس ينشۋرانس" ساقتاندىرۋ كومپانياسى" اق مەن "كوممەسك-ءومىر" ساقتاندىرۋ كومپانياسى" اق ساقتاندىرۋ كومپانيالارىنىڭ اكتسيونەرى رەتىندە "سەنتراس" كومپانيالار توبى ساقتاندىرۋ نارىعىنىڭ كوشباسشىسى سانالادى.
جىل سايىن "سەنتراس" وقىس جاعدايلارعا تاپ بولىپ, جەدەل جانە ساپالى شەشىمگە مۇقتاج بولاتىن 1 ميلليوننان استام كليەنتپەن جۇمىس ىستەپ, قىزمەت كورسەتەدى. كليەنتتەرگە تەز جانە ساپالى كومەك كورسەتۋ ءۇشىن "سەنتراس" 911 جوباسىن دايىندادى. جوبانىڭ نەگىزگى ءپرينتسيپى كليەنتتەرگە ماسەلەنى تەز جانە ساپالى شەشەتىن كاسىبي مامانداردى جەدەل ۇسىنۋ.
911 جوباسىنا تسيفرلىق شەشىمدەر نەمەسە سەرۆيس قۇرۋ جانە كليەنتتەردى تارتۋ قۇرالدارىن ۇسىنۋعا دايىن كوماندالاردىڭ قازاقستانداعى ەڭ ءىرى ساقتاندىرۋ كومپانيالارىنىىڭ بىرىمەن ارىپتەستىك ورناتىپ, ۇسىنىلعان مودەلدەردىڭ قولدانۋعا بولاتىنى ماقۇلدانعان جاعدايدا قارجىلاندىرۋ قول جەتكىزۋ مۇمكىندىگىنە يە بولادى. سونىمەن قاتار بونۋس رەتىندە جەڭىمپاز "سەنتراس" كومپانيالارىنىڭ ەكسپەرتتىك ءبىلىمى مەن تاجىريبەسىنە قول جەتكىزىپ, احقو قارجى تەحنولوگياسى مەنتورلىق حابى تاراپىنان دا ەكسپەرتتىك قولداۋعا يە بولادى.
بايقاۋعا قاتىسۋ شارتتارىنا قاتىستى بارلىق مالىمەت مىنا سىلتەمەدە: https://corpfintech.aifc.kz/insurtech
وتىنىمدەر 2020 جىلدىڭ 1 قاراشاسىنا دەيىن قابىلدانادى.