پاۆلودار قالاسىندا جەڭىل كولىك جاياۋ جۇرگىنشىلەر جولىندا ەكى ءجاسوسپىرىمدى قاعىپ كەتتى. جاراقات العان ەكى ادام اۋرۋحاناعا جەتكىزىلدى, دەپ حابارلايدى Egemen.kz وبلىستىق پوليتسيا دەپارتامەنتنىڭ ءباسپاسوز قىزمەتىنە سىلتەمە جاساپ.
"26 قازاندا ساعات 18.35-تە Volkswagen Passat اۆتوكولىگىنىڭ 36 جاستاعى جۇرگىزۋشىسى پاۆلودار قالاسىندا پاۆلوۆ كوشەسىندەگى 67-ۇيگە قاراما-قارسى رەتتەلمەگەن جاياۋ جۇرگىنشىلەر وتكەلى بويىنشا ءجۇرىس بولىگىن كەسىپ وتكەن ەكى جاياۋ جۇرگىنشىنى قاعىپ كەتتى. جول-كولىك وقيعاسى سالدارىنان كامەلەتكە تولماعان جاسوسپىرىمدەر جاراقات الىپ, اۋرۋحاناعا جەتكىزىلدى", دەپ حابارلادى ءباسپاسوز قىزمەتى.
سونداي-اق پوليتسيا وكىلدەرى كولىكتىڭ ايىپپۇل تۇراعىنا جىبەرىلگەنىن جانە تەكسەرۋ جۇرگىزىلىپ جاتقانىن ايتتى.