وبلىستىق ءبىلىم باسقارماسى جانىنان "تالانتتاردى انىقتاۋ جانە قولداۋ ورتالىعى" اشىلدى, - دەپ حابارلايدى Egemen.kz
"ورتالىقتا وقۋشىلاردىڭ قابىلەتىنە قاراي شەبەرلىگىن شىڭداۋعا تولىق مۇمكىندىك بار. ماقسات – دارىندى بالالارعا قولايلى جاعداي جاساۋ. ماماندار وسى باعىتتا جۇمىس ىستەپ, ەلدى ەلەڭ ەتكىزەر ناتيجە كورسەتەتىنىنە سەنىمىمىز مول", دەيدى وبلىستىق ءبىلىم باسقارماسىنىڭ باسشىسى ساتقان ەسەنعاليەۆ.
ونىڭ ايتۋىنشا, بۇعان دەيىن اتالعان قۇرىلىم ادىستەمەلىك ورتالىقتىڭ "دارىن" ءبولىمى رەتىندە جۇمىس ىستەدى. ەندى جاڭا ورتالىقتا دارىندى بالالارمەن جۇمىستى جوسپارلاۋ, تالانتتىلاردى انىقتاپ, ولاردى پەداگوگيكالىق-پسيحولوگيالىق تۇرعىدان سۇيەمەلدەۋ سىندى قىزمەت تۇرلەرى جۇزەگە اسىرۋ كوزدەلىپ وتىر. سونداي-اق, جالپى ءبىلىم بەرۋگە ارنالعان پاندەردەن رەسپۋبليكالىق, حالىقارالىق دەڭگەيدەگى زياتكەرلىك ءىس-شارالار ۇيىمداستىرىلادى.