24 قازان كۇنى تۇنگى ۋاقىتتا قىزىلوردا وبلىسى پوليتسيا دەپارتامەنتىنىڭ قازالى اۋداندىق پوليتسيا بولىمىنە اۋدان تۇرعىنى جەكە ۇيلەردىڭ ءبىرىنىڭ الدىندا تۇرعان اۆتوكولىكتە كۇدىك تۋدىراتىن زاتتىڭ بار ەكەندىگىن حابارلاعان.
كورسەتىلگەن مەكەن - جايعا پوليتسەيلەر بىردەن بارىپ, جەدەل تەكسەرۋ ناتيجەسىندە اۆتوكولىكتىڭ الدىڭعى سول جاق ەسىگىنەن جانە ارتقى ورىندىقتىڭ استىنان قولدان جاسالعان قارۋعا ۇقساس ەكى بولىكتەن تۇراتىن, ءبىر-بىرىنە قۇرامداس بولىكتەرىمەن كيىلەتىن زات الىندى. كۇدىكتى ۇستالدى.
قازالى اۋداندىق پوليتسيا ءبولىمىنىڭ باستىعى, پوليتسيا پودپولكوۆنيگى
ءسابيت ارىنوۆتىڭ ايتۋىنشا قازىرگى ۋاقىتتا بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 287 – بابىنىڭ 3 – بولىگىمەن سوتقا دەيىنگى تەرگەپ – تەكسەرۋ امالدارى باستالىپ, قارۋدى زاڭسىز جاساۋمەن اينالىسۋ جانە ساقتاۋ ماقساتتارى انىقتالۋدا. ساراپتامالار تاعايىندالدى.