قاراعاندى وبلىسىندا ۇيىمداسقان قىلمىستىق توپ انىقتالدى, دەپ حابارلايدى Egemen.kz قارجى مونيتورينگى كوميتەتىنىڭ ءباسپاسوز قىزمەتىنە سىلتەمە جاساپ.
توپ 2 جىلدان اسا ۋاقىت زاڭسىز ويىن بيزنەسىمەن اينالىسقان.
"2018 جىلعى قاڭتار مەن 2020 جىلعى مامىر ارالىعىندا 5 ادامنان تۇراتىن ۇيىمداسقان قىلمىستىق توپ جەزقازعان جانە ساتباەۆ قالالارىندا 7 زاڭسىز ويىن ورنىن ۇيىمداستىرعان. ولار 16 ميلليون تەڭگە كولەمىندە پايدا تاپقان. جەدەل شارالار بارىسىندا زاڭسىز اينالىمداعى 200-گە جۋىق ويىن جابدىعى تاركىلەندى", دەلىنگەن حابارلامادا.
قىلمىستىق توپتى قاراعاندى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى انىقتاعان. بۇگىندە بۇل فاكت بويىنشا قىلمىستىق ءىس سوتقا جىبەرىلگەن.