كۇنى كەشە ءابۋ-دابيدەگى ء(باا) «جاۋىنگەرلەر ارالىندا» ۇيىمداستىرىلعان UFC 254 تۋرنيرىندە جەرلەسىمىز شاۆكات راحمونوۆ برازيليالىق قارسىلاسىن مەرزىمىنەن بۇرىن جەڭىپ, ايتۋلى ۇيىمداعى دەبيۋتىن ءساتتى باستادى.
الەمدىك بەلدى ۇيىمداعى تۇڭعىش جەكپە-جەگىن وتكىزگەن راحمونوۆ العاشقى ايقاسىن «كوۆبوي» لاقاپ اتىمەن تانىمال برازيليالىق فايتەر الەكس وليۆەيرامەن (22-8-1-2) وتكىزدى. UFC-دە ءبىراز ۋاقىتتان بەرى ونەر كورسەتەتىن وليۆەيرا بۇل كەزدەسۋدە وتانداسىمىزعا ءبىر راۋند تا قارسى تۇرا المادى. جەكپە-جەكتىڭ ءبىرىنشى كەزەڭى اياقتالۋعا ساناۋلى سەكۋندتار قالعاندا وليۆەيرا راحمونوۆتان جەڭىلگەنىن مويىنداپ, جارىستى جالعاستىرۋدان باس تارتتى. وسىلايشا, جەرلەسىمىز ءوزىنىڭ 13-ءشى جەڭىسىنە قول جەتكىزدى. ءبىر ايتا كەتەرلىگى, راحمونوۆ بارلىق قارسىلاسىن مەرزىمىنەن بۇرىن جەڭگەن.
ايتا كەتەيىك, UFC 254 ءتۋرنيرىنىڭ باستى جەكپە-جەگىندە رەسەيلىك حابيب نۋرماگومەدوۆ پەن امەريكالىق دجاستين گەتجي باق سىناپ, رەسەيلىك سپورتشى مەرزىمىنەن بۇرىن تىزە بۇكتىردى. كارەراسىنداعى 29-شى جەڭىسىنەن قول جەتكىزگەن نۋرماگومەدوۆ سپورتتان كەتەتىنىن مالىمدەدى.