مال ازىعى دايىن با؟

بيىل قىستا باتىس قازاقستان وبلىسىندا 809,1 مىڭ باس مال قىستاققا كىرگەلى وتىر ەكەن. ياعني 492 مىڭ سيىر, 116 مىڭ قوي-ەشكى, 198 مىڭ باس جىلقى مەن 2,2 مىڭ باس تۇيەگە 1 ملن 616 مىڭ توننا ءشوپ, 180 مىڭ تونناداي جەم قاجەت.

– اۋدانداردان الىنعان مالى­مەتكە قاراعاندا 16 قازاندا 3 901 مىڭ گەكتار شابىندىق شابى­لىپ, 1 136,4 مىڭ تونا ءشوپ ازىر­لەندى. بۇل – جوسپاردىڭ 70,3 پا­يىزى. وتكەن جىلدان قالعان ءشوپ­تى قوسساق, بارلىعى 1 632,6 مىڭ توننا ءشوپ قولدا بار. ياعني جال­پى قاجەتتىلىك ارتىعىمەن قام­تىلعان. اسىرەسە ءىرى-ءىرى اۋىل شا­رۋاشىلىعى قۇرىلىمدارى قا­جەتتى مولشەردەن ارتىق, 103,1% ءشوپ جيناپ الدى. جەكە قو­سال­قى شا­رۋاشىلىقتاردا 595,9 مىڭ تون­نا (97,5%-ى) ءشوپ دايارلان­دى. جاع­دايدى تولىق باقىلاپ وتىرمىز, – دەيدى مۇحتار ناۋرىز­باي­ ۇلى.

قازىرگى تاڭدا وبلىستىڭ قاز­تالوۆ (94,5%), جاڭاقالا (96%), اقجايىق (97%) اۋداندا­رىندا جوسپارلى كولەم تولىق دايىن­دالماعان. بۇل اۋدانداردىڭ ءوز جەرىندە ءشوپ شىعىمدىلىعى تو­مەن بولعاندىقتان بايتەرەك, تاس­قالا, سىرىم, شىڭعىرلاۋ, قارا­توبە اۋداندارىنان ءشوپ ساتىپ الىپ جاتىر. سونداي-اق بۇل اۋدان­داردىڭ شابىندىعى مەن پاي­دالانىلماي جاتقان جەر­لەرى­نەن مال ازىعىن دايىنداۋ ءۇشىن كەلىسىم جاسالىپ, شىلدە ايىندا جۇمىس باستالعان ەكەن.

– ول ءشوپتى تاسىمالداۋ جۇ­مىسى دا شىلدە ايىنان بەرى جۇر­گىزىلۋدە. قازتالوۆ اۋدانىنا 12,9 مىڭ توننا, اقجايىق اۋدانىنا 11,5 مىڭ توننا, جاڭاقالا ­اۋدانىنا 6,3 مىڭ توننا, بارلىعى 30,7 مىڭ توننا نەمەسە 102 مىڭ بۋما ءشوپ تاسىمالداندى. بۇل باعىتتاعى جۇمىستار ءالى دە جال­عا­سۋدا, – دەيدى وبلىس اكىمىنىڭ ءبىرىن­شى ورىنباسارى.

اۋدانداردا 1 تۇك ءشوپتىڭ با­عاسى 1 900–8 مىڭ تەڭگە ارالى­عىندا. وبلىس بويىنشا ورتاشا باعا – 5 314 تەڭگە.

سونىمەن قاتار بايتەرەك, تە­رەكتى جانە شىڭعىرلاۋ اۋدان­دا­رىندا ساتىلاتىن جەم-ءشوپ تۋرالى مالىمەت جاڭارتىلىپ, ونى قاجەتسىنگەن اۋداندارعا جولدانىپ وتىر.

سوڭعى مالىمەتتەرگە قاراعاندا وبلىستا 76,2 مىڭ توننا مال ازىق­تىق جەم دايىندالعان. بۇل – جوس­پاردىڭ 79%-ى. قالعان 20,3 مىڭ توننا جەمدى رەسەيدىڭ شەكارالاس وبلىستارىنان ساتىپ الۋ جوسپارلانىپ وتىر.