بۇگىن تاراز قالاسىنداعى تولە بي كوشەسىنىڭ بويىنداعى گاز قۇبىرى جارىلدى, دەپ حابارلايدى Egemen.kz
وبلىس ورتالىعىندا بولعان توتەنشە وقيعا ورنىنا جەدەل تاراز قالاسىنىڭ اكىمى ايتقازى قارابالاەۆ بارىپ, ماسەلەنى شەشۋگە شەشىم قابىلدادى. قازىرگى ۋاقىتتا قالا اكىمىمەن بىرگە اكىمدىككە قاراستى جاۋاپتى مەكەمەلەردىڭ باسشىلارى مەن ءتيىستى ماماندار ماسەلەنىڭ ءمان-جايىن انىقتاۋدا.
تاراز قالاسى اكىمدىگىنىڭ مالىمەتىنشە, "ترانستەلەكوم" اكتسيونەرلىك قوعامىنىڭ جۇمىسشىلارى جەر قازۋ جۇمىستارىن جۇرگىزۋ بارىسىندا تولە بي داڭعىلىنىڭ بويىندا اگرس-2 (اۆتوماتتاندىرىلعان گاز رەتتەۋىش ستانتسياسى) قالاعا كىرەتىن 630 مم ديامەترلى پوليەتيلەن گاز قۇبىرى زاقىمدالعان. اپاتتى جاعداي سالدارىنان رك-4 اۋداندىق 4-ءشى قازاندىق, 4 ونەركاسىپتىك كاسىپورىن, 27 كوممۋنالدىق-تۇرمىستىق كاسىپورىن جانە 176 جەكە تۇرعىن ءۇي ۋاقىتشا گازسىز قالىپ وتىر. قازىر قالپىنا كەلتىرۋ جۇمىستارى جۇرگىزىلۋدە.
جامبىل وبلىسى