ورتتە ولگەن مال سانى ناقتىلاندى

اۋەلگىدە القاپتا ورتەنىپ ولگەن قويلاردىڭ سانى 700-گە جۋىق دەگەن حابار تاراعان.  ءتىپتى جالىندى ادەيى قويعان دەگەن دە سىبىس ەستىلىپ قالعان ەدى. بىراق, "تۇگىسكەن" جشس ماماندارى مۇنى جوققا شىعارىپ وتىر. ولاردىڭ ايتۋىنشا القاپقا سۇدىگەر جىرتۋ ءۇشىن وت قويىلعان. الايدا اياق استىنان جەل كوتەرىلىپ, جالىن ءال بەرمەي كەتىپتى. وقيعاعا بايلانىستى ءتيىستى ورىندار وكىلدەرى بريفينگ وتكىزىپ, وقيعانىڭ جاي-جاپسارىن باياندادى. 

– وقيعا 21 قازان كۇنى 17:50 شاماسىندا باستالعان. بىزگە حابارلاما اۋداندىق ىشكى ىستەر قىزمەتىنىڭ كەزەكشىلىگىنەن ءتۇستى. ءورت سوندىرۋگە 19 قىزمەتكەر, 5 تەحنيكا جۇمىلدىرىلىپ, جالىن ءۇش ساعاتتا ءوشىرىلدى. باسقا جاعدايلار ساراپتاما قورىتىندىسى شىققاننان كەيىن بەلگىلى بولادى, - دەدى وبلىستىق تجد باستىعىنىڭ ورىنباسارى رۋسلان قايراقباەۆ.

وبلىستىق اۋىل شارۋاشىلىعى باسقارماسى باسشىسىنىڭ ورىنباسارى قايراتبەك سارسەنباەۆ ورتەنگەن قويلاردىڭ تۇگەل كومىلگەنىن ايتادى. كۇيىك شالعانى 685 بولىپ وتىر. ولاردىڭ قانشاسى ءتىرى قالاتىنى ازىرگە بەلگىسىز. ال وتەماقى تولەۋ  كوميسسيا قورىتىندىسىنان كەيىن بەلگىلى بولادى.